جاپپاي تارتىپسىزدىكتەر كەزىندە الاڭعا شىققاندارعا مەتالل ارماتۋرا تاراتقاندار ۇستالدى
بۇل تۋرالى ق ر ءى ءى م اكىمشىلىك پوليتسيا كوميتەتى باسقارما باسشىسىنىڭ ورىنباسارى داۋرەن قوزىباقوۆ ءمالىم ەتتى، دەپ حابارلايدى قازاقپارات ءتىلشىسى.
«قۇقىقتىق ءتارتىپ» جەدەل- پروفيلاكتيكالىق شاراسى بارىسىندا 2 مىڭنان استام بۇرىن جاسالعان اۋىر جانە اسا اۋىر قىلمىس اشىلدى. سونىمەن قاتار ىزدەۋدە جۇرگەن 327 قىلمىسكەر ۇستالدى. مىسالى، الماتى قالاسىندا جاپپاي تارتىپسىزدىكتەرگە قاتىسقان الماتى قالاسى مەن الماتى وبلىسىنىڭ 6 تۇرعىنى ۇستالدى. ولار قۇقىق قورعاۋ ورگاندارى جانە اسكەري قىزمەتشىلەرگە قارسى شىعۋ ءۇشىن ەرەۋىلگە قاتىسۋشىلارعا مەتالل ارماتۋر تاراتقان»، - دەدى داۋرەن قوزىباقوۆ ونلاين وتكەن بريفينگتە.
ودان بولەك، ءى ءى م وكىلى جەدەل- پروفيلاكتيكالىق شارا اياسىندا كامەلەت جاسىنا تولماعان بالاعا شابۋىل جاساعان كۇدىكتىنىڭ ۇستالعانىن ايتتى.
«2017 -جىلى شىمكەنت قالاسىندا كوشەدە اتىس قارۋىن قولدانا وتىرىپ، كامەلەتكە تولماعان بالانى ولتىرۋگە قاتىسۋشى رەتىندە حالىقارالىق ىزدەۋدە جۇرگەن كۇدىكتى اراعا بىرنەشە جىل سالىپ تارازدان ۇستالدى»، - دەيدى ول.
