قازاقستاندا شەتەلدىك ەڭبەك ميگرانتتارىنا شاعىم كوبەيدى
«قازاقستانعا كۇن كورۋ جانە تابىس تابۋ ماقساتىندا سىرتتان ەڭبەك ميگرانتتارىنىڭ كوپتەپ كەلەتىنى بارشاعا ايان. ولار كوبىنەسە قۇرىلىس، ساۋدا جانە قىزمەت كورسەتۋ سالاسىندا ەڭبەكتەنەدى. وسى ورايدا پوليتسيا قىزمەتىنە قازاقستاندىقتاردان سىرتتان ەڭبەك ميگرانتتارىنا قاتىستى كوپتەپ شاعىم تۇسە باستادى. شاعىمنىڭ دەنى شەتەلدىك ەڭبەك كۇشتەرىنىڭ جۇمىستى كەلىسىمگە ساي ىستەمەيتىندىگىن ايتادى»، - دەدى ق ر ءى ءى م-نىڭ وكىلى شۇعىلا تۇرلىبەك ونلاين وتكەن باسپا ءسوز ءماسليحاتىندا.
وسى ورايدا ىشكى ىستەر مينيسترلىگى ازاماتتاردى اسا ساق بولۋعا جانە مىندەتتى تۇردە ەڭبەك شارتىنا وتىرۋعا شاقىرادى.
«شەتەلدىك ەڭبەك ميگرانتىمەن كەلىسىمگە كەلەر الدىندا مىندەتتى تۇردە ول ازاماتتىڭ قازاقستاندا زاڭ اياسىندا جۇرگەنىنە كوز جەتكىزۋ كەرەك. جانە ازاماتتان ءتولقۇجاتىن تالاپ ەتىپ، ەڭبەك ەتۋگە قۇقىلى ەكەندىگىن انىقتاعان ءجون. كەز كەلگەن شەتەل ازاماتىنىڭ قازاقستاندا مەكەندەۋ تۋرالى رۇقساتى بولۋى كەرەك. شەتەلدىك ەڭبەك ميگرانتى كۇدىك تۋعىزعان جاعدايدا ەڭبەك شارتىنا وتىرۋدىڭ قاجەتى جوق. جانە ءىستىڭ اق-قاراسىن انىقتاۋ ءۇشىن كوشى-قون قىزمەتى نەمەسە پوليتسياعا حابارلاسقان ابزال»، - دەيدى ول.
