رەسەي مەن بەلارۋس اسكەري جاتتىعۋدى جالعاستىرادى
رەسمي مينسكىنىڭ مالىمدەۋىنشە، بۇعان دونباستاعى جاعدايدىڭ ۋشىعۋى سەبەپ. اتالعان جاتتىعۋلار 10-اقپاندا باستالعان بولاتىن. سول كەزدەگى جوسپار بويىنشا كەشە اياقتالۋى ءتيىس ەدى. ا ق ش ۇكىمەتىنىڭ مالىمەتى بويىنشا قازىر ۋكراينا شەكاراسىنىڭ ماڭىندا 190 مىڭداي اسكەر تۇر. رەسمي ماسكەۋ ۋكرايناعا قارسى سوعىس اشۋ تۋرالى كۇدىكتى جوققا شىعارىپ كەلەدى. سوڭعى كۇندەرى دونباستا سناريادتار تاستالىپ، اتىس قيمىلدارى تىركەلدى.
ۆيكتور حرەنين، بەلارۋس قورعانىس ءمينيسترى:
- نەگىزى جاتتىعۋلار اياقتالعان ەدى. ءبىراق رەسەي مەن بەلارۋس پرەزيدەنتتەرى بىرلەسكەن اسكەري ءىس- شارالاردى جانداندىرۋ تۋرالى شەشىم قابىلدادى. بۇل امالدار ەڭ الدىمەن سوعىستى بولدىرماۋعا باعىتتالعان. ءبىز سوعىستى قالامايمىز.
بايدەن ۋكراينانىڭ ۇلتتىق قاۋىپسىزدىك كەڭەسىمەن كەزدەستى
ا ق ش پرەزيدەنتى ۋكراينانىڭ ۇلتتىق قاۋىپسىزدىك كەڭەسىمەن كەزدەستى. اق ۇيگە سىلتەمە جاساعان رەيتەر اگەنتتىگىنىڭ حابارلاۋىنشا، باسقوسۋدا رەسەيدىڭ ۋكراين شەكاراسىنداعى ءىس- قيمىلى پىسىقتالعان. وسىنىڭ الدىندا بايدەن فرانسيا پرەزيدەنتىمەن تىلدەسكەن بولاتىن. ودان كەيىن ەممانۋەل ماكرون پۋتينمەن جانە زەلەنسكييمەن سويلەستى.
www.24.kz
