اق وليمپيادا ەستافەتاسى يتالياعا تابىستالدى

نۇر-سۇلتان.قازاقپارات - بۇگىن بەيجىڭدەگى XXIV قىسقى وليمپيادا ويىندارى اياقتالدى. ەندى 2026 -جىلعى اق وليمپيادا يتاليانىڭ ميلان جانە كورتينا- د'امپەتستسو قالالارىندا وتەدى.

ول تۋرالى حالىقارالىق وليمپيادا كوميتەتىنىڭ 134-سەسسياسىندا بەلگىلى بولدى. قىسقى ويىنداردىڭ استاناسى حوك مۇشەلەرىنىڭ داۋىس بەرۋى ارقىلى انىقتالعان. سول تۇستا 2026 -جىلعى قىسقى وليمپيادانى وتكىزۋگە يتاليانىڭ ميلان جانە كورتينا- د'امپەتستسو قالالارىنان بولەك، ستوكگولم مەن ورە ۇمىتكەر اتانعان ەدى.

العاشىندا 2026 -جىلعى وليمپيادانى وتكىزۋگە جەتى قالا ءۇمىتتى بولعان. فينالدىق كەزەڭگە دەيىن ەكى ۇمىتكەر قالدى. ناتيجەسىندە يتاليا جەڭىسكە جەتتى. 2026 -جىلعى وليمپيادا ويىندارىنىڭ اشىلۋى 6-اقپانعا جوسپارلانعان. بۇگىن بەيجىڭ وليمپياداسىنىڭ جابىلۋ راسىمىنەن كەيىن وليمپيادا ەستافەتاسىن بەيجىڭنەن 25-كەزەكتى ويىندار وتەتىن يتاليانىڭ ميلان جانە كورتينا- د’امپەتستسو قالالارى قابىلداپ الادى.

www.24.kz