ۋكراينانىڭ شىعىسىندا اتىستى توقتاتۋ رەجيمى ساقتالماي تۇر

نۇر- سۇلتان. قازاقپارات – ەۋروپاداعى قاۋىپسىزدىك جانە ىنتىماقتاستىق ۇيىمىنىڭ مالىمەتىنشە، اقپاننىڭ 18- كۇنى بۇل ءتارتىپ 1,5 مىڭ رەت بۇزىلعان، دەپ حابارلايدى «حابار 24».

ال كەشە رەجيم 122 مارتە ساقتالماپتى. ۋكراينا كۇشتەرىنىڭ حابارلاۋىنشا، تانىلماعان دونەتسك جانە لۋگانسك حالىقتىق رەسپۋبليكالار جاساقتارى زەڭبىرەكتەر مەن ءىرى كاليبرلى قارۋلاردى قولدانعان. ال ءوزىن- ءوزى جاريالاعان رەسپبۋليكالار بولسا، ۋكراينا كۇشتەرى بىرنەشە تۇرعىن مەكەندى اتقىلادى دەپ وتىر.

ەۋروپالىق وداق ماسەلەنى تالقىلاپ، عالامتورداعى سايتىندا مالىمدەمە جاريالادى. قۇجاتتا اۋىر تەحنيكانى قولدانىپ، تۇرعىن مەكەندەردى بەي- بەرەكەت اتقىلاۋ مينسك كەلىسىمى مەن حالىقارالىق گۋمانيتارلىق قۇقىققا قايشى ەكەنى ايتىلعان.

ەسكە سالا كەتەيىك، سوڭعى كۇندەرى ۋكراينانىڭ شىعىسىنداعى جاعداي كۇرت شيەلەنىسىپ، تانىلماعان دونەتسك پەن لۋگانسك حالىقتىق رەسپۋبليكاسى وتكەن جۇما كۇنى تۇرعىنداردى رەسەيگە ەۆاكۋاتسيالاۋ تۋرالى شەشىم قابىلدادى. ال كەشە بۇل ايماقتاردا جالپىعا بىردەي موبيليزاتسيالاۋ جاريالاندى. قوس ايماق ۋكراينا كۇشتەرى بىزگە شابۋىل جاساۋدى جوسپارلاپ وتىر دەيدى. الايدا رەسمي كييەۆ بۇل ايىپتاۋ نەگىزسىز ەكەنىن ايتادى.