14:04, 20 - اقپان 2022 | GMT +5
ۇ ق ش ۇ ۋكراينانىڭ شىعىسىنا بىتىمگەرلەردى اتتاندىرۋدى ۇسىندى
نۇر- سۇلتان. قازاقپارات – ۋكراينانىڭ شىعىسىنداعى جاعدايدىڭ شيەلەنىسۋىنە بايلانىستى ۇجىمدىق قاۋىپسىزدىك تۋرالى شارت ۇيىمى دونباسقا بىتىمگەرلەر كۇشتەرىن اتتاندىرۋ تۋرالى ۇسىنىس جاسادى، دەپ حابارلايدى «حابار 24».
بۇل تۋرالى وسى ۇيىمنىڭ باس حاتشىسى ستانيسلاۆ زاس مالىمدەدى. ونىڭ ايتۋىنشا، بۇل ءۇشىن كيەۆتىڭ كەلىسىمى مەن ب ۇ ۇ قاۋىپسىزدىك كەڭەسىنىڭ رۇقساتى قاجەت. ۇيىم حاتشىسى قازىر ايماقتاعى شيەلەنىستى بەيبىت جولمەن باسەڭدەتۋ قاجەت ەكەنىن اتاپ ءوتتى.
ايتا كەتەيىك، دونباسسقا حالىقارالىق بىتىمگەرلىك كونتينگەنتتى ورنالاستىرۋ ماسەلەسى بۇعان دەيىن دە بىرنەشە مارتە كوتەرىلگەن. الايدا تاراپتار شەتەلدىك اسكەريلەردى ورنالاستىرۋ بويىنشا ورتاق شەشىمگە كەلە المادى.
ستانيسلاۆ زاس، ۇ ق ش ۇ باس حاتشىسى:
- دونباسسقا بىتىمگەرلىك كۇشتەردى اتتاندىرۋعا بولادى. ءبىراق بۇل ءۇشىن ۋكراينانىڭ كەلىسىمى قاجەت. ويتكەنى بۇل سول ەلدىڭ اۋماعى. بۇدان بولەك ب ۇ ۇ قاۋىپسىزدىك كەڭەسىنىڭ مانداتى كەرەك جانە وسى شەشىمدى ۇيىمعا مۇشە ەلدەردىڭ ءبارى قولداۋى ءتيىس.
www.24.kz
