مەملەكەتتىك كىرىستەر كوميتەتى قىرعىزستان جۇك كولىكتەرى نە ءۇشىن تەكسەرەتىنىن ءتۇسىندىردى
«جىل باسىنان بەرى قىرعىز رەسپۋبليكاسىنان قازاقستان رەسپۋبليكاسىنا قىتايلىق ءوندىرىستىڭ حالىق تۇتىناتىن تاۋارلارى يمپورتىنىڭ 4 ەسە ءوسۋى بايقالدى. تاۋەكەلدەردى باسقارۋ جۇيەسى نەگىزىندە جۇرگىزىلەتىن تاقىرىپتىق سالىقتىق تەكسەرۋلەر اياسىندا تاۋارعا ىلەسپە قۇجاتتاردا كورسەتىلمەگەن، نەگىزىنەن قىتاي وندىرىسىندەگى، قىمبات جانە سالىقتى كوپ قاجەت ەتەتىن تاۋارلار انىقتالادى (ونىڭ ىشىندە تاڭبالانباعان توندار، ەلەكتروندىق سيگارەتتەر، برەندتىك تاۋارلار جانە ت. ب. )»، - دەلىنگەن كوميتەت مالىمەتىندە.
تاقىرىپتىق سالىقتىق تەكسەرۋلەر قازاقستان رەسپۋبليكاسىنىڭ اۋماعىندا ارنايى بولىنگەن ورىنداردا جۇرگىزىلەتىنىن، شەكارادا تەكسەرۋ ءىس- شارالارى جۇزەگە اسىرىلمايتىنىن اتاپ ءوتۋ قاجەت. 2022 -جىلدىڭ 15-16 - اقپانىندا الماتى قالاسىندا وتكەن قازاقستان رەسپۋبليكاسى مەن قىرعىز رەسپۋبليكاسىنىڭ ساۋدا ىنتىماقتاستىعى جونىندەگى جۇمىس توبىنىڭ وتىرىسىندا جۇرگىزىلگەن تەكسەرۋلەر سانىن قىسقارتۋ ماسەلەسى تالقىلاندى، ءبىرقاتار ۋاعدالاستىقتارعا قول جەتكىزىلدى.
«اتاپ ايتقاندا، قىرعىز رەسپۋبليكاسىنىڭ قارجى مينيسترلىگى جانىنداعى مەملەكەتتىك سالىق قىزمەتى 16 - اقپاننان باستاپ ەكسپورتتاۋشىلاردا ە ا ە و ەلدەرىنە ەكسپورتتاۋ كەزىندە تاسىمالداناتىن تاۋارعا ەلەكتروندىق شوت- فاكتۋرالاردىڭ (ە ش ف) بولۋىن قامتاماسىز ەتۋ بويىنشا مىندەتتەمەلەردى وزىنە الدى. تاسىمالداناتىن تاۋارعا ەشف بولعان جاعدايدا قازاقستان رەسپۋبليكاسىنىڭ مەملەكەتتىك كىرىس ورگاندارى باقىلاۋ ءىس- شارالارىن وتكىزبەيدى. ءوز كەزەگىندە، كەزدەسۋ بارىسىندا تاراپتار تاۋارلاردى ەكسپورتتاۋ كەزىندە ەشف بولماۋى ەكسپورتتاۋشىنىڭ سالىق تولەۋدەن جالتارۋ ماقساتىندا ساتۋ فاكتىسىن جاسىرۋ نيەتىن بىلدىرەدى، بۇل ەكى ەلدىڭ بيۋدجەتتەرىنە نۇقسان كەلتىرەدى، سونداي- اق ادال كاسىپكەرلەر مەن وندىرۋشىلەردى تەڭ ەمەس باسەكەلەستىك جاعدايلارعا قويادى دەگەن ورتاق پىكىرگە كەلدى. وسىعان بايلانىستى قىرعىز ەكسپورتتاۋشىلارىندا ە ش ف بولماعان جاعدايدا تاقىرىپتىق سالىقتىق تەكسەرۋلەر جۇرگىزۋ قاجەتتىگى تۋرالى شەشىم قابىلداندى»، - دەپ اتالىپ وتكەن حابارلامادا.
سونىمەن قاتار، كوميتەت اقپاراتىندا قىرعىز تاراپى قول جەتكىزىلگەن ۋاعدالاستىقتى ورىنداماعانى اتاپ وتىلگەن. ماسەلەن، 16-18 - اقپان ارالىعىندا قىرعىز رەسپۋبليكاسىنان حالىق تۇتىناتىن تاۋارلارى بار 223 جۇك اۆتوكولىك قۇرالى ءجۇرىپ ءوتتى، بۇل رەتتە تەكسەرۋ جۇرگىزبەي ءجۇرۋ مارشرۋتى بويىنشا وتكەن 1 عانا اۆتوكولىك قۇرال بويىنشا ە ش ف ۇسىنىلعان. 222 اۆتوكولىك قۇرالى بويىنشا ە ش ف بەرىلمەگەن، وسىعان بايلانىستى ولارعا قاتىستى تاقىرىپتىق سالىقتىق تەكسەرۋلەر جۇرگىزىلەدى.
«قىرعىز تاراپىنىڭ قول جەتكىزىلگەن ۋاعدالاستىقتاردى ساقتاماۋ فاكتىسى بويىنشا مەملەكەتتىك كىرىستەر كوميتەتى قىرعىز ارىپتەستەرىنە قىرعىز ەكسپورتتاۋشىلارىندا ە ش ف بار بولۋىن باقىلاۋدى كۇشەيتۋ قاجەتتىلىگى جانە قول جەتكىزىلگەن ۋاعدالاستىقتاردى ورىنداۋ قاجەتتىلىگى تۋرالى حات جولدادى، بۇل جۇرگىزىلەتىن تەكسەرۋلەر سانىن قىسقارتۋعا مۇمكىندىك بەرەدى. ءوز تاراپىنان، تەكسەرۋ جۇرگىزۋگە قالىپتاسقان كەزەكتى قىسقارتۋ ماقساتىندا مەملەكەتتىك كىرىستەر ورگاندارىنىڭ قىزمەتكەرلەرى كۇشەيتىلگەن رەجيمگە كوشىرىلدى - تەكسەرۋلەر سانى ورتاشا ەسەپپەن كۇنىنە 10 اۆتوكولىك قۇرالدارىنان 30-عا دەيىن كوبەيتىلدى»، - دەپ ناقتىلاندى ۆەدومستۆو.
ايتا كەتۋ كەرەك، بۇعان دەيىن ب ا ق- تاردا قازاقستان- قىرعىز شەكاراسىندا جۇك اۆتوكولىك قۇرالدارىنىڭ جينالۋى تۋرالى ماتەريال جاريالانعان بولاتىن. ءوز كەزەگىندە، مەملەكەتتىك كىرىستەر كوميتەتى جاريالانعان بەينەماتەريالداردا، شەكارانى كەسىپ وتۋگە كەدەرگى كەلتىرمەيتىن، قورداي اۋىلىندا ورنالاسقان تاقىرىپتىق سالىقتىق تەكسەرۋلەر جۇرگىزۋ ورىندارىنان كادرلار كورسەتىلدى دەپ حابارلايدى. قازىرگى ۋاقىتتا تىكەلەي ەكى ەل شەكاراسىندا جۇك اۆتوكولىكتەرىنىڭ جيناقتالۋى وقيعاسى جوق.
اۆتور: رۋسلان عابباسوۆ
