قوستانايداعى اۆتوزاۋىتتاردا اشىق ەسىك كۇنى ءوتتى
كولىكتەر تەك دايىن كۇيدە جينالادى دەگەن تەرىس پىكىرلەر دانەكەرلەۋ، بوياۋ جانە ۇساق توراپتى قۇراستىرۋ سەحتارىندا سەيىلدى. ءتۇرلى الىپ- قاشپا اڭگىمەلەرگە قاراماستان، ءوندىرىستىڭ تولىق جەلىسى ۇسىنىلدى. كولىكتىڭ شاناعىن قۇراستىرۋ ءۇشىن بۇيىمداردىڭ 1,5 مىڭداي نۇكتەسىن دانەكەرلەۋ قاجەت. ءوندىرىس وسى جەلىدەن باستاۋ الادى. ودان ءارى تەگىستەلگەن شاناق بويالىپ، ۇساق توراپتى قۇراستىرۋدان وتەدى. مىڭ ەستىگەننەن ءبىر كورگەن ارتىق دەمەكشى مۇنىڭ ءبارى كوپشىلىك نازارىنا ۇسىنىلدى.
پاۆەل كازانسيەۆ، ق ر پارلامەنتى ءماجىلىسى ءتوراعاسىنىڭ ورىنباسارى:
- بىزگە وسىنداي ءوندىرىستىڭ اسا قاجەتتىگىنە تاعى كوزىم جەتتى. قوسالقى بولشەكتەردى دانەكەرلەۋ، سىناقتان وتكىزۋ، بوياۋ جۇمىستارىن مىڭداعان ادام اتقارادى. بۇنىڭ ءبارى وڭاي ەمەس. كاسىپورىندا ناعىز ەڭبەك ادامدارى جينالعان. سولارعا قولداۋ ءبىلدىرۋىمىز ماڭىزدى. «سارى ارقا اۆتوپروم» زاۋىتىنان كۇندەلىكتى 200-دەي كولىك شىعارىلادى. قوستاناي اۆتوزاۋىتى ونەركاسىپتىك وندىرىستە كوشباسشىلار قاتارىندا. بىلتىر وتاندىق نارىقتاعى وسى كاسىپورىننىڭ ءونىم ۇلەسى 60 پروتسەنتتەن استى. بۇدان بولەك وڭىردە ماشينا جاساۋدىڭ جاڭا كلاستەرى قۇرىلادى. سونىڭ ءبىر دالەلى - وقشاۋلاۋ ورتالىعى. مۇندا اۋىل شارۋاشىلىعى تەحنيكاسىنا ارنالعان 2 مىڭعا جۋىق بولشەكتەر شىعارىلادى.
مارات قارابايەۆ، ق ر يندۋستريا جانە ينفراقۇرىلىمدىق دامۋ ۆيسە- ءمينيسترى:
- حالىقتىڭ اراسىندا، قوعام بەلسەندىلەرىنىڭ اراسىندا ءتىپتى سىن بولادى. ءىرى توراپتى قۇراستىرۋ عانا باسقا ەشتەڭە ەمەس دەگەن. جوق. كەز كەلگەن ماسەلە ءبىرىنشى كەزەڭدە 2010 -جىلى باستاعاندا ءىرى توراپتى قۇراستىرۋ بولدى. ويتكەنى ءبىر زاتتان باستاۋ قاجەت بولدى. قوستاناي زاۋىتىن الداعى ۋاقىتتا الساڭىز، تەرەزەنى، ديسكىنى تاعى دا پلاستيكالىق بولشەكتەرىن ءوندىرۋ جوسپارلانىپ وتىر. بۇل الداعى 3-4 جىلدا جاسالاتىن دۇنيە.
سونىمەن بىرگە وبلىستا شويىن قۇيۋ جانە جۇك كولىكتەرى ءۇشىن جەتەكشى بەرىلىس رەدۋكتورلارى شىعارىلادى. بۇل ماقساتتا «KamLitKZ» يندۋستريالدى ايماقتا ەكى زاۋىتتىڭ قۇرىلىسىن باستادى. ونىمدەر وسى جەردەن «كاماز- دىڭ» باس كونۆەيەرى ورنالاسقان نابەرەجنىە چەلنى قالاسىنا جونەلتىلەدى.
كاسىپورىندار ماماندار دايارلاۋعا ەرتەرەك قامدانعان. ولار ءوز ىشىندەگى وقۋ ورتالىقتارىنان تىس كاسىبي ءبىلىم بەرۋ مەكەمەلەرىمەن دە تىعىز بايلانىس ورناتقان. اسىرەسە قوستاناي اۆتوموبيل كولىگى كوللەدجىنىڭ كادر دايىنداۋ ىسىندە كومەگى زور. وقۋ ورداسىنىڭ تەحنيكالىق جاراقتاندىرىلۋى، دۋالدى وقىتۋى جەرگىلىكتى زاۋىتتاردىڭ قولداۋىمەن جۇزەگە اسىرىلادى.
ەكاتەرينا سمىشليايەۆا، ق ر پارلامەنتى ءماجىلىسىنىڭ دەپۋتاتى:
- مۇنداعى جابدىقتاردىڭ دەنى وندىرىستە كەزدەسەدى. مودەلدەر بولعانىمەن، بۇلار ناعىز قوسالقى بولشەكتەر. بۇنىڭ ءبارىن زاۋىتتاعى شىنايى ءوندىرىستىڭ ءبىر كورىنىسى دەپ تانۋعا بولادى.
اۆتوموبيل كولىگى كوللەدجىندە «كاماز» جوباسى ءۇشىنشى جىل جۇزەگە اسىپ كەلەدى. مۇندا 1300-گە تارتا ستۋدەنت ءبىلىم الادى. الەۋمەتتىك ارىپتەستىك اياسىندا ولار وندىرىستىك وقۋدان جانە ماشينا جاساۋ زاۋىتتارىندا اقىلى كاسىبي تاجىريبەدەن ءوتۋ مۇمكىندىگىنە يە.
www.24.kz
