مارقۇمنىڭ قالتاسىنا قول سۇققان بۇرىنعى پوليتسيا قىزمەتكەرلەرى سوتتالدى
قۇقىق قورعاۋ ورگاندارىندا ەڭبەك ەتكەندەرگە بيلىكتى اسىرا پايدالانۋ جانە ۇرلىق باپتارى بويىنشا تەرگەۋ ءجۇردى. ءتورت كۇدىكتىنىڭ ۇشەۋى بەس جىلعا سوتتالىپ، مەملەكەتتىك قىزمەت ەتۋ قۇقىعىنان ءومىر بويىنا ايىرىلدى. تاعى بىرىنە باس بوستاندىعىن شەكتەۋ تۇرىندە جازا قولداندى.
2020 -جىلدىڭ قاراشا ايىندا «ۆوستوچنىي» كەنتىندە دەنە جاراقاتى بار ەر ادامنىڭ ءمايىتى تابىلعان بولاتىن. وقيعا ورنىنا جەتكەن ءتارتىپ ساقشىلارى ونىڭ شوتىنان 120 مىڭ تەڭگەنى وزدەرىنە اۋدارىپ العان. دەگەنمەن بۇگىنگە دەيىن ادام ولتىرگەن قىلمىسكەرلەر انىقتالعان جوق. سوتقا دەيىنگى تەرگەۋ امالدارى جالعاسىپ جاتىر.
ولگا كاراشيەۆا، مارقۇمنىڭ جۇبايى:
- مەنىڭ ويىمشا، كۇيەۋىمدى پوليتسيا قىزمەتكەرلەرى ءولتىردى. سوندىقتان بۇل ىسكە ءالى كۇنگە نۇكتە قويىلماي تۇر. بۇگىنگى ۇكىممەن كەلىسپەيمىن. مەن جوعارعى سوتقا شاعىمدانامىن.
www.24.kz
