ءوزىن پوليتسەي رەتىندە تانىستىرىپ، جۇرتتى توناعان الماتىلىق ۇستالدى

الماتى. قازاقپارات - الماتىلىق جىگىت ءوزىن ءتارتىپ ساقشىسىمىن دەپ تانىستىرىپ، جۇرتتى توناعان، دەپ حابارلايدى قازاقپارات ءتىلشىسى.

جەتىسۋ اۋداندىق پوليتسيا باسقارماسىنىڭ مالىمەتىنشە، 21 جاستاعى ۋ. ەسىمدى ازاماتتىڭ ءىس- ارەكەتى قىلمىستىق كودەكستىڭ بىرنەشە بابى بويىنشا سارالانعان.

«جالعا الىنعان كولىككە مىنگەن جاس جىگىت كوشەدە جاسوسپىرىمدەردى توقتاتىپ، زاتتارىن كورسەتۋدى تالاپ ەتىپ، ءتۇرلى سىلتاۋلارمەن ۇيالى تەلەفون، اقشا جانە باسقا دا باعالى زاتتاردى الىپ العان. تاعى ءبىر جاعدايدا كۇدىكتى شاعىن دۇكەندەرگە بارىپ، ازىق- تۇلىك الىپ، كەلەسى كۇنى اقشانى اكەلۋگە ۋادە بەرگەن. جاس جىگىت ءبىر تاۋلىككە پاتەر جالداپ، كەيىن سول پاتەردى توناپ كەتكەن»، - دەيدى جەتىسۋ اۋداندىق پوليتسيا باسقارماسىنىڭ باستىعى دارحان مۇسانوۆ.

بۇگىنگى كۇنى ونىڭ جەتى الاياقتىق، ەكى توناۋ جانە ءبىر پاتەر ۇرلىعىنا قاتىسى بار ەكەنى دالەلدەندى. جاس جىگىت بۇل قىلمىستارىن مويىندادى.

«ۇستالعان ازاماتتىڭ بۇرىن جاسالعان وسىعان ۇقساس قىلمىستارعا قاتىسى بار- جوعىن انىقتاۋعا باعىتتالعان ءبىرقاتار جەدەل- ىزدەستىرۋ ءىس- شارالارى جۇرگىزىلۋدە. تەرگەۋ بارىسىندا وعان قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى»، - دەيدى پوليتسيا وكىلى.

اۆتور: الما مۇقانوۆا