نۇر-سۇلتاندا جانە ءتورت وبلىستا اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازاقستان استاناسىندا جانە ءتورت وبلىستا اۋا رايىنا بايلانىستى ەسكەرتۋ جاريالاندى، دەپ حابارلايدى قازاقپارات قازگيدرومەتكە سىلتەمە جاساپ.

نۇر-سۇلتاندا، اقمولا وبلىسىنىڭ سولتۇستىك-باتىسىندا، وڭتۇستىگىندە 19- اقپان تۇندە جانە تاڭەرتەڭ تۇمان تۇسەدى. 19-21- اقپاندا تۇركىستان وبلىسىنىڭ سولتۇستىگىندە تۇمان بولادى.

19- اقپان كۇندىز باتىس قازاقستاننىڭ سولتۇستىك-باتىسىندا كوكتايعاق بولادى.

وبلىستىڭ سولتۇستىگىنە تۇمان تۇسەدى. ورالدا 19- اقپان تۇندە جانە تاڭەرتەڭ تۇمان بولۋى ىقتيمال.

19- اقپاندا اقتوبە وبلىسىنىڭ سولتۇستىگىنە، اقتوبە قالاسىنا تۇمان تۇسەدى. 19- اقپاندا الاكول اۋماعىندا وڭتۇستىك-شىعىستان جەل سوعىپ، ەكپىنى 15-20 م/س- كە جەتەدى.