22:57, 18 - اقپان 2022 | GMT +5
فۋتبولدان قازاقستان سۋپەركۋبوگىنىڭ باستالاتىن ۋاقىتى انىقتالدى
نۇر-سۇلتان. قازاقپارات - قازاقستاننىڭ كاسىپقوي فۋتبول ليگاسى سۋپەركۋبوك ويىنى قاشان باستالاتىنىن حابارلادى، دەپ جازادى Vesti.kz ءتىلشىسى.
2022-جىلعى ماۋسىمنىڭ شىمىلدىق اشار كەزدەسۋىندە ەل چەمپيونى «توبىل» مەن قازاقستان كۋبوگىنىڭ يەگەرى «قايرات» كەزدەسەدى. بۇل ويىن 2- ناۋرىز كۇنى «استانا ارەنادا» وتەدى. ماتچ ەلوردا ۋاقىتىمەن 19:30 دا باستالادى.
ەسكە سالايىق، ءاۋ باستا قازاقستان سۋپەركۋبوگىنە جوعارىداعى ەكى كلۋبتان بولەك، وتكەن جىلعى قولا جۇلدەگەر «استانا» جانە ءتورتىنشى ورىن العان «قىزىل-جار» تالاسۋى كەرەك ەدى. ءبىراق كۇنتىزبەنىڭ تىعىز بولۋىنا بايلانىستى كوماندالاردىڭ سانى قىسقارتىلدى.
