18:45, 18 - اقپان 2022 | GMT +5
مال باعىپ جۇرگەن باقتاشىنى كولىك قاعىپ، مەرت بولدى
اقتوبە. قازاقپارات - اقتوبەدە جۇك كولىگى جول بويىندا اتتى مالشىنى قاعىپ كەتتى. 28 جاستاعى مالشى وقيعا ورنىندا كوز جۇمدى، دەپ حابارلايدى قازاقپارات ءتىلشىسى.
سامارا- شىمكەنت تاسجولىنىڭ قارابۇتاق اۋىلى ماڭىندا جۇك كولىگى اتتى ادامدى قاعىپ كەتتى. وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا 17-اقپان كۇنى كەشكىلىك بولعان.
«ىرعىز اۋدانىنان قارابۇراق اۋىلىنا قاراي باعىت العان جۇك كولىگى 28 جاستاعى ەر ادامدى قاعىپ كەتتى. ول جول ماڭىندا مال باعىپ جۇرگەن باقتاشى ەكەن. جارالانعان مالشى وقيعا ورنىندا كوز جۇمدى. قازىرگى كەزدە قىلمىستىق كودەكستىڭ «جول قوزعالىسى ەرەجەسىن بۇزۋ» بابى بويىنشا تەرگەۋ باستالدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
اۆتور: التىناي ساعىندىقوۆا
