الەمنىڭ اۋقاتتىلارى بريتانيانىڭ «التىن ۆيزاسىنان» قاعىلاتىن بولدى

نۇر- سۇلتان. قازاقپارات - الەمنىڭ اۋقاتتىلارى ۇلى بريتانيانىڭ «التىن ۆيزاسىنان» قاعىلاتىن بولدى. جەرگىلىكتى بيلىك اتالعان باعدارلامانى ءبىر اپتانىڭ ىشىندە جويۋدى جوسپارلاپ وتىر.

وعان رەسەي مەن ۋكراينا اراسىنداعى تەكەتىرەس سەبەپ. ۇلى بريتانيا بيلىگى «التىن ۆيزانى» باي- باعلاندار زاڭسىز جيعان قارجىسىن جاسىرۋعا پايدالانۋى مۇمكىن» دەپ كۇدىكتەنىپ وتىر. التىن كارتانىڭ تاربىتى بويىنشا ەلگە كەمىندە 2 ميلليون فۋنت ستەرلينگ قۇيعان ينۆەستور، بۇل شامامەن 1 ميلليارد تەڭگەدەن استام قارجى، ۇلى بريتانيادا 3 جىل تۇرۋ قۇقىعىنا يە بولادى. كەيىن ونى تاعى ەكى جىلعا ۇزارتا الاتىن. Tribune India باسىلىمىنىڭ دەرەگىنە سۇيەنسەك، كەيىنگى ون جىلدا ۆيزانى الەمنىڭ ءبىرقاتار ەلىنىڭ داۋلەتتى ازاماتى العان.