الماتى وبلىسىنىڭ ەڭبەكشىقازاق اۋدانىنا جاڭا اكىم تاعايىندالدى

تالدىقورعان. قازاقپارات - الماتى وبلىسى اكىمىنىڭ وكىمىمەن قۋات ەلەۋسىز ۇلى سۇلتانعازيەۆ ەڭبەكشىقازاق اۋدانىنىڭ اكىمى بولىپ تاعايىندالدى، - دەپ حابارلايدى قازاقپارات ءتىلشىسى.

قۋات ەلەۋسىز ۇلى سۇلتانعازيەۆ 1975 -جىلى تۋعان. ءبىلىمى جوعارى. قازاق مەملەكەتتىك اگرارلىق ۋنيۆەرسيتەتىن بۋحگالتەرلىك ەسەپ جانە اۋديت ماماندىعى بويىنشا بىتىرگەن. ەڭبەك جولىن ەڭبەكشىقازاق اۋدانى بويىنشا سالىق باسقارماسىنىڭ ينسپەكتورى، باس ينسپەكتورى بولىپ باستادى. ءار جىلداردا «كازكوممەرتس بانك» ا ق شەلەك فيليالىنىڭ مەنەدجەرى، جەتەكشى مەنەدجەرى، ءبولىم باسشىسى، ديرەكتوردىڭ ورىنباسارى، شەلەك اۋىلىندا «БиК Service» ، الماتى قالاسىندا «Vita trans» ج ش س- لارىنىڭ ديرەكتورى، «باتتال» شارۋا قوجالىعىنىڭ جەتەكشىسى، «اۋىل شارۋاشىلىعىن قارجىلاي قولداۋ قورى» ا ق الماتى وبلىستىق فيليالىنىڭ ديرەكتورى بولدى.

2020 -جىلدىڭ اقپانىنان وسى كۇنگە دەيىن «اگرارلىق نەسيەلىك كورپوراتسيا» ا ق الماتى قالاسى فيليالىنىڭ ديرەكتورى قىزمەتىن اتقاردى.

ايتا كەتەيىك، بۇعان دەيىن وسى ەڭبەكشىقازاق اۋدانىن باسقارعان الىبەك اسكەربەك ۇلى جاقانبايەۆ باسقا جۇمىسقا اۋىسۋىنا بايلانىستى الماتى وبلىسى اكىمىنىڭ وكىمىمەن اتقارعان لاۋازىمىنان بوساتىلدى.

اۆتور: سامال قابىشيەۆا