سەمەيلىك زەينەتكەر شىعىس قازاقستانداعى ساعاتتىق بەلدەۋدى وزگەرتۋدى ۇسىندى

سەمەي. قازاقپارات - سەمەيلىك زەينەتكەر روستيسلاۆ پولكوۆسكي شىعىس قازاقستان وبلىسىنداعى ساعاتتىق بەلدەۋدى وزگەرتۋدى ۇسىندى، دەپ حابارلايدى قازاقپارات ءتىلشىسى.

وسىنداي ۇسىنىستى ول ايماق باسشىسى دانيال احمەتوۆكە جولداعان.

«ءوڭىر تۇرعىندارى ءوز ۋاقىت بەلدەۋىندە تۇرىپ جاتقان جوق. جازدىڭ كۇنى ساعات 21:00-دە قاراڭعى تۇسە باستايدى. بالالاردى ۇيگە كىرگىزىپ، جارىق قوسامىز. ال ساعات 04.00-دە كۇن شىعىپ، ونىڭ ادامعا پايداسى مول ساۋلەسى تۇسكەندە ءبىز ۇيقىدا جاتامىز. ال تاڭەرتەڭ ساعات 9.00-دا، بازاردا ىستەيتىن حالىق 10.00-دا جۇمىسقا جول تارتقاندا كۇن قاتتى ىسىپ كەتەدى»، - دەپ جازادى روستيسلاۆ پولكوۆسكي.

زەينەتكەر ساعات ءتىلىن ءبىر ساعاتقا العا جىلجىتۋدى ۇسىنىپ وتىر. ونىڭ ايتۋىنشا، ۋاقىت بەلدەۋىن وزگەرتۋ وبلىس جۇرتشىلىعىنىڭ دەنساۋلىعىن جاقسارتىپ، ەلەكتر قۋاتىن ۇنەمدەيدى.

«بۇعان شىعىس قازاقستاننىڭ ميلليوننان استام تۇرعىنى ريزا بولادى. ال وسكەمەن، التاي جانە باسقا دا قالالار مەن ەلدى مەكەندەر وسىدان دا قيىن جاعدايدا ءومىر ءسۇرىپ جاتىر. ويتكەنى وندا كۇن سەمەيدەن دە ەرتە باتادى»، - دەيدى ر. پولكوۆسكي.

سەمەي تۇرعىنى قالالىق ءماسليحات دەپۋتاتى گۇلجانات راحات قىزىنا وسىنداي ۇسىنىسپەن جۇگىنگەن بولاتىن. قازىرگى ۋاقىتتا حات وبلىس اكىمى دانيال احمەتوۆكە جولداندى.

ايتا كەتەيىك، بۇگىندە سەمەيدە كۇن 7:45-تە، وسكەمەندە 7:35-تە، ەلوردادا 8:22-دە شىعادى. ياعني، ءبىر ساعاتقا جۋىق ايىرماشىلىق بار.

اۆتور: تالعاتجان مۇحامەتبەك ۇلى