ناۋرىز ايىندا قازاقستاندىقتار نەشە كۇن دەمالادى

نۇر-سۇلتان. قازاقپارات - 2022 -جىلدىڭ ناۋرىز ايىندا قازاقستاندىقتار 12 كۇن دەمالادى، دەپ حابارلايدى قازاقپارات.

بيىل حالىقارالىق ايەلدەر كۇنى – 8-ناۋرىز سەيسەنبى كۇنىنە تۇسەدى جانە دەمالىس كۇنى بولىپ ەسەپتەلەدى. ال دۇيسەنبى – 7-ناۋرىز كۇنى دە قاتار دەمالۋ ءۇشىن جۇمىس كۇنى 5-ناۋرىز - سەنبىگە اۋىستىرىلدى. 2022 -جىلدىڭ دەمالىس كۇندەرىن اۋىستىرۋ تۋرالى قاۋلىعا وتكەن جىلدىڭ قازان ايىندا سول كەزدەگى ۇكىمەت باسشىسى اسقار مامين قول قويدى.

تيىسىنشە، قازاقستاندىقتار 5-ناۋرىزدا جۇمىس ىستەپ، حالىقارالىق ايەلدەر كۇنىنە 6، 7، 8-ناۋرىز كۇندەرى ءۇش كۇن دەمالادى. 19-20-ناۋرىز كۇندەرى سەنبى- جەكسەنبىگە ساي كەلەدى جانە ناۋرىز مەرەكەسى قۇرمەتىنە 21، 22، 23-كۇندەرى دە دەمالىس بولادى.

وسىلايشا، جالپى سەنبى- جەكسەنبى كۇندەرىن قوسقاندا، قازاقستاندىقتاردى ناۋرىز ايىندا 12 دەمالىس كۇنى كۇتىپ تۇر.