الماتى ماڭىنان قارۋ-جاراق جاسىرىلعان قويما تابىلدى

پوليتسيا مالىمەتىنشە، قارۋ-جاراق قويماسى ىلە اۋدانى، الماتى - وسكەمەن تاسجولىنىڭ بويىندا جاسىرىلعان.

«ونى جەرگىلىكتى قىلمىستىق ىزدەستىرۋ ءبولىمىنىڭ قىزمەتكەرلەرى انىقتادى. قويمادان 22 كاليبرلى «مارلين» جانە 308 كاليبرلى «Tikka» مىلتىعى تابىلدى. بەلگىلى بولعانىنداي، اتىس قارۋلارى الماتىداعى قارۋ- جاراق دۇكەندەرىنىڭ بىرىنەن قاڭتار ايىنداعى تارتىپسىزدىكتەر كەزىندە ۇرلانعان»، - دەپ حابارلادى پوليتسيادان.

قارۋ-جاراق بالليستيكالىق ساراپتاماعا جىبەرىلدى. تەرگەۋ اياقتالعاننان كەيىن قارۋ زاڭدى يەسىنە قايتارىلادى. 2022 -جىلدىڭ باسىنان بەرى الماتى وبلىسىندا 200-گە جۋىق اتىس قارۋى تاركىلەندى. ونىڭ 133 تاپانشا.