اق پەن قارا «ايقاسقاندا»
بۇگىندە قازاقستان سۋرەتشىلەر وداعىنىڭ پاۆلودار بولىمشەسىن باسقاراتىن قىلقالام شەبەرىنىڭ بۇل كورمەسى تاۋەلسىز مەملەكەتتەر دوستاستىعىنىڭ حالىق شىعارماشىلىعى جانە مادەني مۇراسى جىلىنا وراي ۇيىمداستىرىلعان.
كورمەگە ستانوك گرافيكاسى جانە كەسكىندەمە باعىتىندا ەڭبەك ەتەتىن شەبەردىڭ 16 تۋىندىسى قويىلعان. ۇلى دالا توسىندەگى تىلسىم دا تانىس تىرلىك جايىنان سىر شەرتەتىن بۇل تۋىندىلاردىڭ بارلىعى ⅩⅩ عاسىردىڭ باسىندا دۇنيەگە كەلگەن جانە قازاقستاندا ءومىر سۇرگەن اقىن پاۆەل ۆاسيليەۆتىڭ پوەزياسىنا ارنالعان وفورت سەرياسىنان تۇرادى.
ۇزاق جىلدار بويى ۇنەمى سونى تاقىرىپتاردىڭ قىر- سىرىن اشۋمەن اينالىسىپ كەلە جاتقان سۋرەتشى كورمەدەگى كارتينالاردىڭ 1987 -جىلدان بەرگى ۋاقىت ارالىعىندا سالىنعانىن ايتادى.
قازاقستاننىڭ ەڭبەك سىڭىرگەن قايراتكەرى ۆيكتور پوليكارپوۆ 1971 -جىلى ن. گوگول اتىنداعى الماتى كوركەمسۋرەت ۋچيليشەسىن بىتىرگەن. كەسكىندەمە ونەرىندە قايتالانباس قولتاڭباسى بار شەبەردىڭ كوركەمسۋرەت اكادەمياسىنىڭ اكادەميگى دەگەن اتاعى بار. سۋرەتشى قۇرمەت بەلگىسى وردەنىمەن ماراپاتتالعان. سونىمەن قاتار ول 2010 -جىلى اقىن پاۆەل ۆاسيليەۆ اتىنداعى رەسپۋبليكالىق سىيلىقتىڭ لاۋرەاتى اتانعان.
قايرات ءابىلدا
قاراعاندى وبلىسى،
تەمىرتاۋ قالاسى
egemen.kz
