21:49, 17 - اقپان 2022 | GMT +5
توقايەۆ پرەزيدەنتتىك سايلاۋ تۋرالى: ناۋرىزداعى جولداۋىمدا وسى ماسەلە تۋرالى ءوز پىكىرىمدى ايتارمىن
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ «Qazaqstan» تەلەارناسىنا بەرگەن سۇحباتىندا پرەزيدەتتىك سايلاۋعا قاتىستى جوبا-جوسپارى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.
«ءسىز ەكى مەرزىم عانا پرەزيدەنت قىزمەتىن اتقارۋىڭىز مۇمكىن ەكەنىن ايتتىڭىز. ولاي بولسا، كەلەسى سايلاۋعا قاتىساتىنىڭىز انىق قوي؟»، - دەپ سۇرادى سۇحبات تىزگىنشىسى جاينا سلامبەك.
«بۇل ماسەلە كونستيتۋتسيامىزدا جازىلعان. پرەزيدەنتكە ەكى مەرزىم بەرىلگەن. ونى بۇزۋعا بولمايدى. ناۋرىزداعى جولداۋىمدا، مۇمكىن، وسى ماڭىزدى ماسەلە جونىندە ءوز پىكىرىمدى ايتارمىن. ال ءبىراق قازىر سايلاۋعا بارامىن با، بارمايمىن با، ونى ايتا المايمىن»، - دەدى مەملەكەت باسشىسى.
