21:34, 17 - اقپان 2022 | GMT +5
زاڭدى مويىنداعىسى كەلمەيتىن ازاماتتار از ەمەس - توقايەۆ
نۇر-سۇلتان. قازاقپارات - قوعامداعى ەڭ ماڭىزدى ماسەلە - زاڭ ۇستەمدىگىن قامتاماسىز ەتۋ. بۇل تۋرالى «Qazaqstan» تەلەارناسىنا سۇحبات بەرگەن ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«قوعامداعى ەڭ ماڭىزدى ماسەلە - زاڭ ۇستەمدىگىن قامتاماسىز ەتۋ. وكىنىشكە قاراي، زاڭدى مويىنداعىسى كەلمەيتىن ازاماتتار از ەمەس. باسقاشا ايتساق، قۇقىقتىق نيگيليزم بەلەڭ الۋدا. اعالارىمىز «ءتارتىپسىز ەل بولمايدى» دەپ باياعىدا ايتقان بولاتىن. مەنىڭ ۇستانىمىم: قوعامدا زاڭ مەن ءتارتىپ بولسا عانا، ەل ىشىندە ۇيلەسىم، بەيبىت ءومىر بولادى. زاڭ - كەز-كەلگەن وركەنيەتتى قوعامنىڭ باستى ولشەمى. زاڭ ۇستەمدىك قۇرعاندا عانا ادىلەتتى قوعام قالىپتاسادى. ءبىز مىندەتتى تۇردە بۇعان قول جەتكىزۋىمىز كەرەك. بۇل مەنىڭ ناقتى ۇستانىمىم»، - دەدى قاسىم-جومارت توقايەۆ.
