21:26, 17 - اقپان 2022 | GMT +5
مەملەكەت باسشىسى ەربولات دوسايەۆ تۋرالى: ىسكەر، ەڭبەكقور ادام
نۇر-سۇلتان. قازاقپارات - ق ر پرەزيدەنتى قاسىم-جومارت توقايەۆ الماتى قالاسىنىڭ جاڭا اكىمى ەربولات دوسايەۆ تاعايىنداۋعا قاتىستى تۇسىنىك بەردى، دەپ حابارلايدى قازاقپارات ءتىلشىسى.
«ونداي ويىم جوق. الماتى - ەلىمىزدەگى ەڭ ءىرى، ەرەكشە شاھار. قالانىڭ احۋالى، تۇرعىنداردىڭ ءال-اۋقاتى مەنىڭ جەكە نازارىمدا. قاڭتار وقيعاسى كەزىندە قالانىڭ ەكونوميكاسى زارداپ شەكتى. ازاماتتاردىڭ جانە بيزنەس يەلەرىنىڭ دۇنيە-مۇلكى تونالدى. كوپتەگەن نىسان ورتەلدى، قيراتىلدى»، - دەدى قاسىم-جومارت توقايەۆ Qazaqstan ۇلتتىق تەلەارناسىنا بەرگەن سۇحباتىندا.
مەملەكەت باسشىسى، قيراعان قالانى قالپىنا كەلتىرۋ وڭاي شارۋا ەمەس ەكەنىن ايتتى.
«سوندىقتان وسىنداي جاۋاپتى جۇمىس جاڭا اكىم ەربولات دوسايەۆقا جۇكتەلدى، قولىنان كەلەدى دەپ ۇمىتتەنەمىن. سەبەبى ونىڭ بيزنەس سالاسىندا، مەملەكەتتىك قىزمەتتە تاجىريبەسى مول. ىسكەر، ەڭبەكقور ادام. جۇمىس ىستەۋىنە مۇمكىندىك بەرگەن ءجون دەپ ويلايمىن»، - دەيدى ول.
