لاڭكەستەر مەن قاراقشىلاردى حالىق قاھارمانى دەۋگە بولمايدى - توقايەۆ
«بۇزاقىلار تۋرالى ماسەلەگە كەلسەك. كەيبىر ادامدار جازىقسىز ازاماتتاردى ەش سەبەپسىز قاماۋعا الدى دەپ ويلايدى دا، وسىنداي جالعان ۇرانداردى ەل ىشىندە تاراتادى. ءبىراق، مىنانى ۇمىتپاۋىمىز كەرەك، سولاردىڭ ىشىندە لاڭكەستەر دە، قىلمىسكەرلەر دە بار. قاراڭىزشى، مىڭداعان ادام قالانى قيراتىپ، ناعىز تەرروريستىك ارەكەتتەرگە باردى. ءبىراق، قازىر ءبارى جاي عانا بەيبىت ازاماتتار بولىپ شىقتى. بۇعان كىم سەنەدى؟ جالپى، لاڭكەستەردى، قاراقشىلاردى حالىق قاھارماندارى، باتىرلارى دەپ ايتۋعا بولمايدى. بۇل - ەشقانداي شىندىققا كەلمەيتىن جالعان ءۋاج»، - دەدى پرەزيدەنت.
مەملەكەت باسشىسى بولعان ءىستىڭ اقيقاتىنا كوز جەتكىزبەسە، مۇنداي قاۋىپ قايتالانۋى مۇمكىن ەكەنىن ەسكەرتتى.
«ەلىمىزگە تاعى ءبىر ۇلكەن قاۋىپ توندىرەمىز. بۇل قاراقشىلاردى قازاقستانعا شاقىرۋ دەگەن ءسوز. سوندىقتان اتالعان ماسەلەدە ءبىز وتە ساق بولۋىمىز كەرەك. ءاربىر ءىس بويىنشا مۇقيات تەرگەۋ جۇرگىزۋىمىز قاجەت»، - دەدى قاسىم-جومارت توقايەۆ.
