قازاقستاندىق زىلتەمىرشى يليا يلين اعاسىنىڭ ۇستالۋىنا قاتىستى پىكىر ءبىلدىردى
اۋىر اتلەت اعاسى الەكسەي يلين 16- اقپاندا ۇستالعانىن، قازىر يزولياتوردا ەكەنىن ايتتى.
«اعاما كەلسەك، مەن بۇل تۋرالى جاقىندا ءبىلدىم. مەن ءۇشىن دە، مەنىڭ وتباسىم ءۇشىن دە جاعىمسىز جاڭالىق بولدى. مەنىڭ ويىمشا، قازىر بۇل ماسەلە تۋرالى اشىق ايتۋ مەنىڭ قۇزىرەتىمدە ەمەس. تەرگەۋ ورگاندارى اينالىسىپ جاتىر. اعام يزولياتوردا، ول كەشە ۇستالدى. وعان تاعىلعان ايىپ بويىنشا ادۆوكات جۇمىس ىستەپ جاتىر. مەن ونىمەن ءالى سويلەسكەن جوقپىن. قازىر بۇكىل وتباسىمىزبەن ونى كەپىلمەن شىعارىپ الۋدى ويلاپ جاتىرمىز»، - دەدى يلين.
يليا يليننىڭ ايتۋىنشا، بۇل ماسەلە بويىنشا ب ا ق وكىلدەرىمەن سويلەسپەگەن، الەكسەي ەسىمدى اعاسى جوق ەكەنىن دە ايتپاعان.
«ماعان كوپ قوڭىراۋ ءتۇسىپ جاتىر. ولاردىڭ ايتۋىنشا، الەكسەي دەگەن اعام جوق دەپپىن. مۇنىڭ ءبارى وتىرىك جانە ارانداتۋ. ب ا ق وكىلى كىممەن سويلەسكەنىن بىلمەيمىن، ءبىراق مەن رەسمي تۇردە مالىمدەيمىن، ەشقانداي جۋرناليسپەن سويلەسكەن جوقپىن. بۇل اقپارات قايدان شىققانىن رەداكسيادان سۇراۋ كەرەك. مۇنى ءالى انىقتايمىز. مەنى قولدايتىنداردان ەرتە قورىتىندى جاساماۋدى سۇرايمىن. قولداۋلارىڭىزعا راقمەت دوستار. مەن اعامنان باس تارتپاعانىمدى جانە باس تارتپايتىنىمدى تاعى ايتامىن»، - دەدى سپورتشى.
