تۇركىستاندىق پوليتسەيلەر ەكى تۇرعىننىڭ ۇيىنەن زاڭسىز ساقتالعان وق-دارىلەر مەن قارۋ تابىلدى

تۇركىستان. قازاقپارات - تۇركىستان وبلىسىنىڭ پ د كريمينالدىق پوليتسيا باسقارماسى مەن ۇلتتىق قاۋىپسىزدىك كوميتەتى دەپارتامەنتىنىڭ قىزمەتكەرلەرى جەدەل-ىزدەستىرۋ ءىس-شارالارىن جۇرگىزدى.

شارا بارىسىندا سوزاق اۋدانىندا ەكى تۇرعىننىڭ ۇيىنەن زاڭسىز ساقتالعان وق- دارىلەر مەن قارۋلاردى تاركىلەدى، دەپ حابارلايدى قازاقپارات ءتىلشىسى.

پ د باسپا ءسوز قىزمەتىنىڭ مالىمەتىنشە، تۇرعىنداردىڭ ءبىرىنىڭ ۇيىنەن تىركەلمەگەن «ا ك-47» ماركالى اۆتومات پەن 8 دانا وق-ءدارى تابىلعان. ەكى دانا تير جانە 16 كاليبرلى ەكى ۇڭعىلى اڭشى مىلتىعى ساقتاعانى انىقتالدى.

سونداي-اق، ەلەكترو توك تاراتقىش قۇرىلعى مەن 2 دانا 16 كاليبرلى اتىلعان وق گيلزاسى تاركىلەندى.

ال، ەكىنشى كۇدىكتى ۇيىندە وق دارىلەر جاسىرىپ قويعان بولىپ شىقتى.

«قازىرگى تاڭدا اتالعان جايت ق ر ق ك- ءنىڭ 287-بابى 3-بولىگى «قارۋدى، وق-دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋ، بەرۋ، وتكىزۋ، ساقتاۋ، تاسىمالداۋ نەمەسە الىپ ءجۇرۋ» بويىنشا سوتقا دەيىنگى تەرگەۋ امالدارى جۇرگىزىلۋدە.

ساراپتامالار تاعايىندالدى. كۇدىكتىلەردىڭ ءبىرى قاماۋعا الىندى. پوليتسەيلەر وقيعانىڭ بارلىق ءمان-جايىن جانە كۇدىكتىنىڭ قانداي ماقساتتا قارۋ ۇستاعانىن انىقتاۋدا» دەلىنگەن حابارلامادا.