قازاقستاندىق جەكپە-جەك شەبەرىنە ماسكەۋدە وق اتىلدى

نۇر-سۇلتان. قازاقپارات - م م ا سپورتشىسى باعدات دۇيسەمبايەۆ ماسكەۋدىڭ وڭتۇستىگىندەگى فيتنەس-كلۋبتىڭ كۇزەتشىسىمەن قاقتىعىس كەزىندە وق جاراقاتىن الىپ، اۋرۋحاناعا جاتقىزىلدى.

بۇل تۋرالى قازاقپارات Sports.kz سايتىنا سىلتەمە جاساپ حابارلايدى.

«كەشە وردجونيكيدزە كوشەسى، 10A مەكەنجايىنداعى فيتنەس-كلۋبتىڭ كۇزەتشىسىمەن بولعان جانجال كەزىندە م م ا سپورتشىسى باعدات دۇيسەمبايەۆتىڭ كەۋدە تۇسىنا وق تيگەن. زارداپ شەگۋشى ن. ي. پيروگوۆ اتىنداعى قالالىق كلينيكالىق اۋرۋحاناعا جاتقىزىلدى»، - دەپ تاراتتى اقپاراتتى ت ا س س اقپارات اگەنتتىگىنىڭ دەرەككوزى.

بۇل فاكتى بويىنشا تەرگەۋ امالدارى جۇرگىزىلۋدە. رەسەي ءىءى م 16- اقپاندا وردجنيكيدزە كوشەسىندە ەكى ەر ادام اراسىندا تۋىنداعان جانجال فاكتىسى بويىنشا تەكسەرىس باستالىپ كەتكەنىن مالىمدەدى.

«الدىن الا مالىمەت بويىنشا، جانجالداسۋشىلاردىڭ ءبىرى تراۆماتيكالىق قارۋ قولدانعان. جابىرلەنۋشى كومەك الۋ ءۇشىن مەديتسينالىق مەكەمەگە جەتكىزىلدى، وق اتقان ادام قاشىپ كەتتى»، - دەپ حابارلادى باس كەڭسەدەن.

باعدات دۇيسەمبايەۆ - قازاقستان تۋماسى، ونىڭ نەگىزگى سپورت ءتۇرى - ەركىن كۇرەس. سپورتشى جەتى جەكپە-جەك وتكىزىپ، ونىڭ ەكەۋىندە جەڭىسكە جەتىپ، تورتەۋىندە جەڭىلىپ، بىرەۋىن تەڭ اياقتادى.