الماتىدا قارۋ- جاراق دۇكەنىنە شابۋىل جاساعانداردىڭ سىبايلاستارى قاپشاعايدا ۇستالدى
بۇل تۋرالى ق ر ءىء ى م كولىكتەگى پوليتسيا دەپارامەنتىنىڭ باستىعى وڭال بەكەيەۆ ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا، كولىك پوليتسەيلەرى قاپشاعايداعى جالدامالى پاتەرلەردىڭ بىرىندە الماتى وبلىسىنىڭ ەكى تۇرعىنىن انىقتاپ، قولعا تۇسىرگەن. بۇل ەكى تۇرعىن الماتى قالاسىنداعى جاپپاي تارتىپسىزدىك كەزىندە قارۋ- جاراق دۇكەنىنە شابۋىل جاساپ، 18 اتىس قارۋىن ۇرلادى دەگەن كۇدىككە ءىلىندى. قازىرگى ۋاقىتتا ۇرلانعان قارۋلار تاركىلەندى.
«بۇعان دەيىن كولىك پوليتسەيلەرى ولاردىڭ 32 جاستاعى سەرىكتەسىن ۇستاعان بولاتىن. اتالعان ازاماتتارعا قاتىستى تەرگەۋ سوتى كۇزەتپەن ۇستاۋ تۇرىندەگى بۇلتارتپاۋ شاراسىن سانكسيالادى»، دەدى و. بەكەيەۆ.
ەسكە سالا كەتەيىك، بۇدان بۇرىن باتىس قازاقستاندا اۆتوكولىكتەن گراناتا تابىلعانىن جازعان بولاتىنبىز.
اۆتور: ەلجان ەرالى
