اۋىزدان شىققان سۋىق ءسوز جۇرەككە جەتكەنشە مۇزعا اينالادى - ءىلياس ەسەنبەرلين

نۇر- سۇلتان. قازاقپارات - قازاق حالقىنىڭ قاي جازۋشىسى دا الەمنىڭ «مەن» دەگەن جازۋشىلارىمەن يىق تىرەسەردەي دارەجەدە دەسەك قاتەلەسپەيمىز. سولاردىڭ ءبىرى ءام بىرەگەيى - ءىلياس ەسەنبەرلين.

ونىڭ «كوشپەندىلەر» تريلوگياسىن وقىماعان قازاق كەمدە- كەم. «عاشىقتار» (1968)، «التىن قۇس» (1971)، «كولەڭكەڭمەن قورعاي ءجۇر» (1974) روماندارى دا قالىڭ وقىرماننىڭ نازارىن اۋدارعان شوقتىعى بيىك شىعارمالار. ۇلى وتان سوعىسىنا قاتىسقان جازۋشىنىڭ قاناتتى سوزدەرىمەن تانىس بولىڭىزدار!

***

ءبىر سۇيگەن ادامىڭدى ماڭگى ءسۇيىپ وتۋگە بولادى. بۇل ماحابباتتىڭ كۇشىنەن عانا ەمەس، ادامنىڭ مىنەز- قۇلقىنىڭ تۇراقتىلىعىمەن بايلانىستى. تۇراقتى ادامنىڭ ماحابباتى دا تۇراقتى.

***

ادامنىڭ كوڭىلىن جەڭىلدەتەر، جانىن جىبىتەر ماحابباتتان ارتىق كۇش جوق. قىزدى سۇيگەن جىگىت قانداي ازاپقا بولسا دا كونۋگە بار، ال بالاسىن جاقسى كورگەن انا بالاسى ءۇشىن جان قيۋدان تايىنبايدى. بۇل - تابيعات زاڭى. ماحابباتتى وسىنداي قۇدىرەتتى ەتىپ، دۇنيەدەگى ەڭ ۇلى كۇش - جاراتىلىستىڭ ءوزى جاراتقان. سوندىقتان دا، ماحابباتتىڭ الدىندا كىم بولسا دا ءالسىز، امالسىز.

***

اۋىزدان شىققان سۋىق ءسوز جۇرەككە جەتكەنشە مۇزعا اينالادى.

***

ماحاببات دەگەن قاسيەتتى كۇش. دۇنيەدە ماحاببات بولماسا، ادام بالاسى قۋانىش پەن قايعىنىڭ، باقىت پەن باقىتسىزدىقتىڭ نە ەكەنىن بىلمەي وتەر ەدى.

***

تۇراقتى ادامنىڭ ماحابباتى دا تۇراقتى.

***

قىزعانىش - تازا ءمولدىر سەزىم.

***

شىن ماحاببات بار دا، ماحابباتپەن ويناۋ بار. شىن جاقسى كورۋ - ءومىر باقي ساۋلەسىن، سۇلۋلىعىن جوعالتپايتىن گاۋھار تاس. كىمدە- كىم شىن سۇيسە، ءوز سەزىمىن قادىرلەيدى، ويتكەنى ونىڭ ءلاززاتى ىستىق جۇرەكتەن تۋعان. ال جۇرەكتى اۋىستىرا المايسىڭ.

Massaget.kz