تەرروريزمدى تولەم ۇيىمدارى ارقىلى قالاي قارجىلاندىردى

نۇر- سۇلتان. قازاقپارات - جوعارى فۋنكتسيونالدىلىق جانە جاڭا تولەم جۇيەلەرى مەن قىزمەتتەردى پايدالانۋدىڭ ايتارلىقتاي ءوسۋى اقشانى جىلىستاتۋعا جانە تەرروريزمدىقارجىلاندىرۋعا قارسى ءىس- قيمىل سالاسىندا قاۋىپ توندىرەدى،

دەپ حابارلايدى قازاقپارات قارجىلىق مونيتورينگ اگەنتتىگىنىڭ باسپا ءسوز قىزمەتىنە سىلتەمە جاساپ.

تولەم ۇيىمدارى جاڭا وسال باعىتتارعا جاتادى جانە زاڭسىز جانە تەرروريستىك ارەكەتتەردە اقشا جيناۋ جانە اۋدارۋ كەزىندە قولدانىلۋى مۇمكىن.

بۇل قۇرالداردىڭ كوپشىلىگى الەمنىڭ كەز كەلگەن جەرىندە قول جەتىمدى جانە اقشانى جەدەل جانە ۋاقتىلى اۋدارۋ ءۇشىن قولدانىلادى.

مۇنداي قۇرالداردى الەۋمەتتىك جەلىلەردە قولدانۋ الەۋەتتى دەمەۋشىلەر مەن زاڭسىز تاۋارلاردى ساتىپ الۋشىلاردىڭ نەعۇرلىم كەڭ شەڭبەرىنە قول جەتكىزۋگە، سونداي- اق تەرروريزمدى قارجىلاندىرۋ ءۇشىن اقشا قاراجاتىن جيناۋدى جۇزەگە اسىرۋعا جول اشادى.

بۇعان دالەل قارجىلىق مونيتورينگ اگەنتتىگىنىڭ سيرياداعى جاۋىنگەرلەر يەلىك ەتەتىن شەتەلدىك QIWI ءامياندارىنا جۇيەلى تۇردە اقشا اۋدارعان جەكە تۇلعاعا قاتىستى تەرگەۋى بولدى.

ايتا كەتسەك، بۇل ازاماتتىڭ كۇدىكتى وپەراتسيالارى تۋرالى العاشقى اقپارات QIWI- دەن كەلىپ، قۇقىق قورعاۋ ورگاندارىنا جەدەل ارەكەت ەتۋگە جانە تەرروريزمدى قارجىلاندىرۋ سحەماسىن جويۋعا مۇمكىندىك بەردى.

سونىمەن قاتار، تولەم ۇيىمدارى ەسىرتكى جانە پسيحوتروپتىق زاتتاردى ساتىپ الۋ ءۇشىن پايدالانىلدى. اگەنتتىك قازاقستان ازاماتىنىڭ الەۋمەتتىك جەلىلەردە ەسىرتكى زاتتارىن جارنامالاعانىن جانە تولەم تەرمينالدارى ارقىلى تولەمدەردى قابىلداعانىن انىقتادى.

تولەم تەرمينالدارى قىلمىستىق سحەمالاردا تانىمال، سەبەبى كليەنت انونيمدى بولىپ قالۋىنا مۇمكىندىك بەرەدى.

مىسالى، ەسىرتكى زاتتارىن ساتۋشى ءتورت اي ىشىندە بىردەي سومامەن 450 اقشا اۋدارىمىن العانىن تەرگەۋ بارىسىندا دالەلدەنگەن.

جوعارىدا كەلتىرىلگەن مىسالدار تولەم ۇيىمدارىنىڭ قىلمىستىق الەمگە ىقپال ەتۋدەگى تاۋەكەلدەرىن ناقتى كورسەتەدى. تولەم ۇيىمدارىنىڭ اگەنتتىكپەن تىعىز ءوزارا ءىس- قيمىلى قىلمىستىق كىرىستەردى جىلىستاتۋ جانە تەرروريزمدى قارجىلاندىرۋ فاكتىلەرىن ۋاقتىلى انىقتاۋعا مۇمكىندىك بەرەدى.

وسىعان بايلانىستى، كەيبىر تولەم ۇيىمدارىنىڭ اگەنتتىكتىڭ سايتىندا ورنالاستىرىلعان قىلمىستىق كىرىستەردى زاڭداستىرۋ جانە تەرروريزمدى قارجىلاندىرۋ تيپولوگيالارى مەن سحەمالارىن پايدالانباۋى الاڭداۋشىلىق تۋدىرادى (afmrk.gov.kz).

سونىمەن قاتار، قازاقستاندا قارجىلىق وپەراتسيالار تۋرالى دەرەكتەردى جيناۋ جۇيەسىندە تىركەۋدەن وتپەگەن تولەم ۇيىمدارى بار. مۇنداي ۇيىمداردىڭ ءتىزىمى سايتتا جاريالانادى.

اگەنتتىك اتالعان ۇيىمدارعا دەرەۋ WEB- س ف م تىركەۋدەن ءوتۋدى جانە قارجىلىق مونيتورينگ اگەنتتىگىنە شەكتى جانە كۇدىكتى وپەراتسيالار تۋرالى ۋاقتىلى حابارلاۋعا شاقىرامىز.

اگەنتتىكپەن ىنتىماقتاستىق جانە باسقا دا ماسەلەلەر بويىنشا سۇراقتار تۋىنداعان جاعدايدا تولەم ۇيىمدارى 87018999955 ءنومىرى بويىنشا حابارلاسا الادى.