جايىقتىڭ جابايى مىسىعى

نۇر-سۇلتان.قازاقپارات -كۇنى- ءتۇنى دالا كەزگەن جابايى مىسىقتى كورىپ پە ەدىڭىز؟ ءدال وسىنداي مىسىق اتىراۋداعى «اق جايىق» مەملەكەتتىك تابيعي رەزەرۆاتىندا بار ەكەن. ءبىراق ونىڭ سانى بەلگىسىز.

وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باس مامانى نۇرلان يمانعاليەۆتىڭ ايتۋىنشا، جاقىندا جابايى دالا مىسىعى شارۋا قوجالىعىنىڭ اۋماعىندا تۇزاققا تۇسكەن.

- دالا مىسىعى اتىراۋ قالاسىنىڭ ماڭىنداعى شارۋا قوجالىعىنىڭ اۋلاسىندا ۇساق جاندىقتار مەن ءۇي قۇستارىن تالاعان. جابايى اڭ ازىق ىزدەپ كەلگەن بولۋى مۇمكىن. سول كەزدە تۇزاققا ءتۇسىپ قالعان. شارۋا قوجالىعىنىڭ جەتەكشىسى تۇزاقتاعى مىسىققا قارسى توسىن ارەكەتكە بارماي، ەرىكتىلەرگە جۇگىنگەن. ەرىكتىلەر بۇل جونىندە وبلىستىق اۋماقتىق ورمان شارۋاشىلىعى جانە جانۋارلار دۇنيەسى ينسپەكتسياسىنا حابارلادى. ينسپەكتسيا ينسپەكتورلارى ەرىكتىلەرمەن بىرگە جابايى مىسىقتى «اق جايىق» مەملەكەتتىك تابيعي رەزەرۆاتىنىڭ اۋماعىنا اكەلىپ، تابيعي مەكەندەۋ ورتاسىنا جىبەردى، - دەيدى نۇرلان يمانعاليەۆ.

جولداسبەك كوشەرباي ۇلى

اتىراۋ وبلىسى

egemen.kz