ناتو رەسەيدى ۇستامدى بولۋعا شاقىردى
جيىن بارىسىندا ۆەدومستۆو باسشىلارى رەسەيدى ۋكرايناعا قاتىستى ديپلوماتيالىق جولدى ۇستانۋعا شاقىردى. شاراعا قاتىسۋشىلاردىڭ مالىمدەمەسىنە سايكەس سولتۇستىك اتلانتيكالىق اليانس ەۋرواتلانتيكالىق قاۋىپسىزدىك ماسەلەلەرى بويىنشا ديپلوماتياعا جانە رەسەيمەن ديالوگ جۇرگىزۋگە مۇددەلى. بۇعان دەيىن رەسەيدىڭ قورعانىس مينيسترلىگى ۋكراينامەن اراداعى شەكارا ماڭىنداعى باتىس جانە وڭتۇستىك اسكەري وكرۋگتەرىنىڭ بولىمشەلەرى ءوز بازالارىنا ورالا باستاعانىن حابارلاعان بولاتىن. ءبىراق سوعان قاراماستان، ناتو- عا مۇشە ەلدەر ورتالىق، شىعىس جانە وڭتۇستىك- شىعىس ەۋروپادا جاڭا اسكەري جاساق قۇرۋ جاعىن تالقىعا سالدى.
يەنس ستولتەنبەرگ، ناتو باس حاتشىسى:
- ءبىز ساربازداردىڭ نەمەسە اسكەري تەحنيكالاردىڭ كەتكەنىن كورگەن جوقپىز. ناتو- عا مۇشە ەلدەردىڭ قورعانىس مينيسترلەرى اليانستى قورعاۋعا قاتىستى جوبالاردى ازىرلەۋدى شەشتى. سونىڭ ىشىندە ورتالىق، شىعىس جانە وڭتۇستىك- شىعىس ەۋروپادا اسكەري جاساق قۇرۋ تۋرالى ماسەلە قارالماق. سونىمەن قاتار وداققا مۇشە مەملەكەتتەردىڭ قورعانىس مينيسترلەرى فرانسيانىڭ رۋمىنيادا ءدال وسىنداي جاساقتى باسقارۋ تۋرالى ۇسىنىسىن قۇپتادى. بۇل شارالاردىڭ ءبارى قورعانىس ماقساتىندا جاسالىپ وتىر. ناتو- دان رەسەيگە كەلەر قاۋىپ جوق.
www.24.kz
