الماتىداعى تارتىپسىزدىك بويىنشا ۇستالعانداردىڭ پورترەتتەرى جاسالدى - باس پروكۋراتۋرا

«بيىلدىڭ 16 - اقپانىنداعى جاعداي بويىنشا باس پروكۋراتۋرانىڭ، ىشكى ىستەر مينيسترلىگىنىڭ، ۇلتتىق قاۋىپسىزدىك كوميتەتىنىڭ جانە سىبايلاس جەمقورلىققا قارسى ءىس-قيمىل قىزمەتىنىڭ تەرگەلۋىندەگى بارلىق قىلمىستىق ىستەر بويىنشا 741 كۇدىكتى سوت سانكتسياسىمەن قاماۋدا. ولاردىڭ ىشىندە 113 ءى بۇرىن سوتتالعان، 42 ءسى تىيىم سالىنعان ەكسترەميستىك ۇيىمنىڭ قاتىسۋشىسى جانە 35 ءى ۇيىمداسقان قىلمىستىق توپ وكىلى»، - دەدى ە. قيلىمجانوۆ.
وسى ورايدا ول قاماۋعا الىنعانداردىڭ جەكە باستارى زەرتتەلگەنىن جانە الماتى قالاسىنداعىلار بويىنشا ولاردىڭ پورترەتتەرى جاسالعانىن اتاپ ءوتتى.
«نەگىزگى ماسسادا - ولار جوعارى ءبىلىمى جانە تۇراقتى جۇمىسى جوق 30 جاسقا دەيىنگى جاس ادامدار. الماتى قالاسىندا انونيمدى ساۋالناما جۇرگىزۋ بارىسىندا ءاربىر ءۇشىنشى قيراتۋشى جاعدايدى پايدالانىپ، بوتەننىڭ مۇلكىن ۇرلاۋ ارقىلى پايدا تابۋدى قالاعانىن مويىندادى. پروكۋراتۋرا ورگاندارى ازاماتتىق ۇيىمداردىڭ وكىلدەرىمەن بىرلەسە قاماۋعا الىنعانداردىڭ جانە ۇستالعانداردىڭ جاعدايىن كۇندەلىكتى تەكسەرۋدە»، - دەدى باس پروكۋراتۋرا وكىلى.