جاپپاي تارتىپسىزدىك كەزىندە ۇرلانعان قارۋدىڭ قاي بولىگى تابىلعانى بەلگىلى بولدى
«قۇقىق قورعاۋ ورگاندارىنىڭ عيماراتتارىن باسىپ الۋدىڭ نەگىزگى ماقساتى - اتىس قارۋىن يەمدەنۋ. اتاپ ايتقاندا، الماتى وبلىسىندا پوليتسيا دەپارتامەنتى عيماراتىنان 53 اۆتومات، 367 تاپانشا، 1 گراناتامەت، سونداي-اق 23 مىڭنان استام پاترون ۇرلانعان. جامبىل وبلىسىندا - 209 اۆتومات، 134 تاپانشا، 11 گراناتومەت، ءبىر پۋلەمەت جانە 40 مىڭعا جۋىق پاترون»، - دەدى ە. قيلىمجانوۆ.
ونىڭ ايتۋىنشا، الماتى رەزيدەنتسياسىندا قيراتۋلاردان كەيىن 130 قارۋ مەن وق-دارىلەردىڭ جەتىسپەۋشىلىگى انىقتالدى. سونىڭ اراسىندا - 80 گراناتا، 17 تاپانشا، 11 اۆتومات، 21 گراناتامەت جانە سنايپەر مىلتىعى. «سونداي-اق، ون اڭشىلىق دۇكەن تونالدى، سول جەردەن 1629 مىلتىق ۇرلاندى. جالپى العاندا، ءۇش مىڭنان استام قارۋ ۇرلانعان. وسى كولەمنىڭ تەك ۇشتەن ءبىرى نەمەسە 967 ءسى عانا تابىلدى. ال ەكى مىڭنان استامى، سونىڭ ىشىندە گراناتالار، پۋلەمەتتەر، مىلتىقتار، تاپانشالار مەن گراناتومەت ءالى دە قىلمىسكەرلەردىڭ قولىندا»، - دەدى باس پروكۋراتۋرا وكىلى.
