الماتىدا جۇرەك اقاۋىمەن تۋعان سابيگە كۇردەلى وتا جاسالدى

الماتى. قازاقپارات - الماتىلىق دارىگەرلەر جۇرەك اقاۋىمەن تۋعان سابيگە كۇردەلى وتا جاسادى، دەپ حابارلايدى قازاقپارات ءتىلشىسى.

پەريناتولوگيا جانە بالالار كارديوحيرۋرگياسى ورتالىعىنا تۋابىتتى جۇرەك اقاۋى دياگنوزىمەن جاڭا تۋعان نارەستە ءتۇستى. ماماندار تەكسەرۋ بارىسىندا ونىڭ جۇرەگىندەگى ماگيسترالدى تامىرلاردىڭ جۇمىسى مەن ارتەريالدى قان اينالىمىنىڭ بۇزىلعانىن انىقتادى.

وعان مىندەتتى الەۋمەتتىك مەديتسينالىق ساقتاندىرۋ پاكەتى شەڭبەرىندە كۇردەلى وتا جاسالدى.

جامبىل وبلىسىنان كەلگەن نارەستەنىڭ ىشتە جاتقاندا وتتەگى تاپشىلىعى سالدارىنان ورتالىق جۇيكە جۇيەسى زاقىمدالىپ، اعزاداعى بيليرۋبين مولشەرى دە تىم جوعارى بولعان.

بالالار كارديوحيرۋرگياسى ءبولىمىنىڭ مەڭگەرۋشىسى گەنادي نيگايدىڭ ايتۋىنشا، نارەستە اۋرۋحاناعا اۋىر حالدە جەتكىزىلگەن.

«شەتىنەپ كەتۋ قاۋپى جوعارى بولعاندىقتان جەدەل تۇردە وتا جاساۋ قاجەت بولدى. كارديوحيرۋرگتەرمەن بىرگە كۇردەلى وتا جاسالىپ، تۋابىتتى جۇرەك اقاۋى ەمدەلدى، جۇرەكتەگى تەسىك بىتەلىپ، قان اينالىسى رەتتەلدى»، - دەدى دارىگەر.

ايتۋىنشا، وپەراتسيا اقىسى مىندەتتى مەديتسينالىق ساقتاندىرۋ ەسەبىنەن تولەنەدى. 18 جاسقا دەيىنگى بالالار م ءا م س جارناسىن تولەۋدەن بوساتىلعان، ولار مەملەكەت تاراپىنان ساقتاندىرىلاتىن 15 ساناتقا كىرەدى.

«2 ساعاتقا سوزىلعان وپەراتسيا ءساتتى ءوتتى. قازىر نارەستەنىڭ جاعدايى جاقساردى، اۋرۋحانادان شىعۋعا دايىندالىپ جاتىر. مۇنداي بالالار بولاشاقتا قالىپتى ءومىر سۇرەدى، ءبىراق كارديولوگتاردىڭ باقىلاۋىندا بولۋى ءتيىس»، - دەيدى كارديوحيرۋرگ دارىگەر قايرات قۋاتبەكوۆ.