ءماجىلىس دەپۋتاتى قاسىرەتتى قاڭتار وقيعاسىنا قاتىستى پىكىرىن ءبىلدىردى
مەملەكەتتىك توڭكەرىسكە جاسالعان قادام دەپ تانىلدى. دەمەك، بۇل - تاۋەلسىزدىكتىڭ تامىرىنا بالتا شابىلعان قادامدار. راديكالدىق ساياسي توپتار، ناقتىراق ايتقاندا، ءدىني توپتار قارا نيەت، ارام پيعىلدارىن جۇزەگە اسىرعىسى كەلگەن اۋىر زارداپتى كەزەڭ بولدى. ءتىپتى باقىلاۋدان شىققان ءساتتى دە باستان وتكەردىك، - دەيدى ءماجىلىس دەپۋتاتى جاناربەك ءاشىمجانوۆ.
دەپۋتاتتىڭ ايتۋىنشا، كۇش قۇرىلىمدىق سالاداعى قىزمەتكەرلەردىڭ ءوزى بەيتاراپ قالدى. ەلىمىزدىڭ قاۋىپسىزدىگىنە جاۋاپتى قىزمەت ورگاندارىنىڭ حالىقتىڭ الدىنداعى شاراسىز كۇيىن كوردىك. شايقالىپ جاتقان كونستيتۋتسيالىق قۇرىلىمدى توقتاتۋعا، جويۋعا باعىتتالعان مەملەكەت باسشىسى قاسىم- جومارت توقايەۆتىڭ شەشىمى ارقاسىندا اۋىر سىناقتاردان وتتىك. بارلىق جاۋاپكەرشىلىكتى ەل پرەزيدەنتى ءوز موينىنا الدى.
جالپى سول كۇندەردەگى احۋال، قوعامداعى جاعداي، اۋىر كوڭىل- كۇي، باقىلاۋدان شىققان ساتتەردىڭ ساياسي باعاسى ساراپتالىپ، قۇقىقتىق باعاسى بەرىلەر، ءبىراق حالىقتى قالقان ەتكەن ارام پيعىلدى توپتاردىڭ جاعدايىنا حالىق الاڭداۋلى. وسى رەتتە ءبىز اقپاراتتىق- ناسيحاتتىق جۇمىس جۇرگىزىپ، حالىققا كومەكتەسۋىمىز كەرەك. ايتا كەتەتىنىم، حالىق سول كەزەڭدەردەگى مەملەكەت باسشىسىنىڭ ەرلىك- جىگەرىن تۇسىنە ءبىلۋى قاجەت. كونستيتۋتسيالىق قۇرىلىم تۇبەگەيلى جويىلسا، وسى كۇندەرى قانداي جاعدايدا بولىپ، نەنى باستان كەشەتىنىمىزدى ويلاپ كورىڭىز؟! - دەيدى جاناربەك ءاشىمجانوۆ.
ماجىلىسمەن قاڭتارداعى اۋىر جاعدايلار بويىنشا مەملەكەت باسشىسىنىڭ ناقتى شارالار قابىلداعانىن ۋاقىت دالەلدەيتىنىن جەتكىزدى. سونىمەن بىرگە دەپۋتات بۇعان دەيىن قاڭتارداعى وقيعاعا بايلانىستى ماسەلەلەر كوتەرىلىپ، بىرنەشە رەت دەپۋتاتتىق ساۋالدار جولدانعانىن اتاپ ءوتتى. سونىمەن قاتار الەۋمەتتىك جەلىلەردە قاڭتار قاسىرەتىنە قاتىسقان ازاماتتاردى ازاپتاۋلار كوبەيىپ جاتقانىن ايتىپ، وسى ماسەلەگە قاتىستى دەپۋتاتتىڭ ويىن بىلدىك، دەپ اتاپ وتەدى تومەنگى پالاتانىڭ باسپا ءسوز قىزمەتى.
جاناربەك ءاشىمجانوۆتىڭ سوزىنشە، لاۋازىمىن اسىرا پايدالانعان ىشكى ىستەر ورگاندارى، جالپى قۇزىرلى ورگانداردىڭ قىزمەتكەرلەرىنە قاتىستى بىرنەشە قىلمىستىق ءىس قوزعالدى.
- ورىنسىز، ناقاق جالا جابىلىپ جاتقان، تاياققا تۇسكەن بىرنەشە ىسكە قاتىستى پرەزيدەنت ناقتى تاپسىرما بەردى. ءسويتىپ بىرنەشە ازامات بوساتىلدى. ال ەندى سوققىعا جىعىلىپ جاتقان اۋىر ازاپتاۋلار قوعامنىڭ دا، ەلدىڭ دە، جەكە ازامات رەتىندە مەنىڭ دە جانىما باتادى. ەرتەڭ تالدىقورعانعا وسى وقيعاعا بايلانىستى ءىسساپارعا بارىپ، تۇرعىندارمەن كەزدەسەمىن. ەلىمىزدە قىلمىس جاساعانى دا، قىلمىسقا قاتىستىلىعى دا زاڭ شەڭبەرىندە قارالۋى كەرەك. ال قىزمەتىن اسىرا پايدالانعان ءتيىستى ۆەدومستۆو وكىلدەرىنە زاڭ جۇزىندە باعاسى بەرىلۋى ءتيىس. پروكۋراتۋرا وسىنداي ماسەلەگە بايلانىستى بىرنەشە قىلمىستىق ءىس قوزعالعانى تۋرالى مالىمەت بەرگەن بولاتىن، - دەدى جاناربەك ءاشىمجانوۆ.
