ايمان وماروۆا جاپپاي تارتىپسىزدىك كەزىندە ايەلدەردىڭ زورلانعانىن ايتتى

الماتى. قازاقپارات- قاڭتار وقيعاسىن تەرگەۋ جونىندەگى «اقيقات» قوعامدىق كوميسسياسىنىڭ مۇشەلەرى جاپپاي تارتىپسىزدىكتەر كەزىندە جاسالعان جىنىستىق زورلىق-زومبىلىقتار تۋرالى ايتىپ بەردى، دەپ حابارلايدى قازاقپارات ءتىلشىسى.

قوعام بەلسەندىلەرىنىڭ مالىمەتىنشە، تارتىپسىزدىكتەر كەزىندە سۇلۋلىق سالونىنىڭ قىزمەتكەرلەرى زارداپ شەككەن. ايەلدەردى بەسىنشى قاڭتار كۇنى جۇمىستان ۇيىنە قايتىپ بارا جاتقان كەزدە زورلاعان.

«5-قاڭتاردا اۆتوبۋستار جۇرمەدى، سۇلۋلىق سالونىنىڭ قىزمەتكەرلەرى جۇمىستان قايتىپ كەلە جاتقاندا ولاردى بەلگىسىز بىرەۋلەر زورلاعان. ولار پوليتسياعا ارىزدانعان جوق. وتباسىلارى، كۇيەۋلەرى بولعاندىقتان جاريا ەتكىسى كەلمەگەن»، - دەدى «اقيقات» قوعامدىق كوميسسياسىنىڭ قاڭتار ايىنداعى وقيعالاردى تەرگەۋ جونىندەگى جەتەكشىسى ايمان وماروۆا.

سونىمەن قاتار، ول تاعى ءبىر زورلاۋ وقيعاسى اكىمدىك عيماراتىنىڭ جانىندا بولعانىن ايتتى. الايدا جابىرلەنۋشىلەر پوليتسياعا ارىزدانباعان.

«قوعامدىق بەلسەندىلەر مەن زاڭگەرلەر زارداپ شەككەندەردىڭ وتباسىلارىنا كومەكتەسۋگە تىرىسۋدا. ولاردىڭ بارلىعى دەرلىك پسيحولوگتاردىڭ قولداۋىنا مۇقتاج»، - دەدى ول.