نۇر-سۇلتانعا وتكەن جىلى قانشا تۋريست كەلدى
«AstanaInvest قالالىق ينۆەستيتسيالاردى دامىتۋ ورتالىعى» ج ش س ءتوراعاسىنىڭ ورىنباسارى جالعاس مولجىگىتتىڭ ايتۋىنشا، 2021-جىلدىڭ سوڭعى 9 ايىندا ەلوردانىڭ تۋريستىك اعىنى %88 عا ارتتى. اسىرەسە ىشكى تۋريزمدە ءوسۋ بايقالعان.
«ەلورداعا كەلگەن تۋريستەردىڭ جالپى سانى - 525 مىڭ ادام. ونىڭ 52 مىڭى سىرتتان كەلسە، 475 مىڭنان استامى - ىشكى تۋريستەر. ورنالاستىرۋ بويىنشا كورسەتىلگەن قىزمەتتەر 2021-جىلدىڭ 9 ايىندا وتكەن جىلمەن سالىستىرعاندا %41 عا ارتتى. بۇل قوناق ءۇي بيزنەسىنە قاتىستى»، - دەدى ج. مولجىگىت نۇر-سۇلتاندا وتكەن جينالىستا.
سپيكەردىڭ ايتۋىنشا، اۋە كومپانيالارىنداعى جولاۋشىلار اعىنى %48 عا ءوسىپ، تەمىرجول تاسىمالدارى بويىنشا - %21 عا ازايعان.
«2021-جىلدىڭ 9 ايىندا سىرتتان كەلگەن تۋريستەر سانى 2020-جىلمەن سالىستىرعاندا: رەسەيدەن كەلەتىن تۋريستەر - %18 عا، تۇركيادان كەلەتىن تۋريستەر - %19 عا، ۋكراينادان كەلەتىن تۋريستەر - %20 عا ارتقان. كوروناۆيرۋس شەكتەۋلەرىنە بايلانىستى الىس شەتەلدەن تۋريستەر از كەلدى. قازىر ەپيدجاعدايىمىز تۇزەلىپ كەلەدى، بيىل شەتەلدىك تۋريستەر كوبەيەدى، وعان قوسا ىشكى تۋريزم دە دامي تۇسەدى دەپ ۇمىتتەنەمىز»، - دەدى جالعاس مولجىگىت.
ايتا كەتەيىك، 2021-جىلى 30- ساۋىردە پرەزيدەنت تۋريستىك قىزمەت تۋرالى زاڭعا ەنگەن تۇزەتۋلەرگە قول قويدى، وندا 2022-جىلعى 1- قاڭتاردان باستاپ مەملەكەتتىك قولداۋدىڭ جاڭا 7 شاراسى كوزدەلگەن.
