ەرىن دالابى ءۇشىن سوعىس: ول قالاي پايدا بولدى؟

ول XVI عاسىردىڭ باسىندا الەمگە تارالا باستاعان. اتاۋى فرانسۋز كاردينالى ريشەلەنىڭ ەسىمىمەن بايلانىستى. ءبىراق ەرىن دالابى وعان دەيىن دە الەمدە تانىمال ەدى.
• شىن مانىندە، ەرىن دالابى تاريحى ەجەلگى مىسىردان باستالادى، وندا پەرعاۋىن اۋلەتىنىڭ وكىلدەرى، داۋلەتتى شەنەۋنىكتەردىڭ ايەلدەرى مەن ءدىنباسىلارى، اسكەري قولباسشىلار، قالا تۇرعىندارى دالاپتى كەڭىنەن قولدانعان. سول جىلدارى ەگيپەت ناعىز ءسان ورتالىعى بولىپ سانالدى؛
• العاش رەت ەرىن دالابى شامامەن 5000 جىل بۇرىن مەسوپوتاميادا قولدانىلا باستادى. ەرىن بوياۋى ەجەلگى ەگيپەتتە بۇرىننان بەلگىلى بولدى. ونى قىزىل پيگمەنتتەن، بالاۋىزدان جانە جانۋار مايىنان جاسادى. مىسىرلىقتار قارا دالاپتاردى جاقسى كوردى؛
• ەجەلگى ەگيپەت پاپيرۋستارىندا ب. ز. د 1450-جىلى ايگىلى حانشايىم حاتشەپسۋت ەرىن دالابى ءۇشىن پۋنت ەلىنە سوعىس جاريالادى. بۇل ەلدىڭ ەرىن دالابى شىعىس افريكادا تانىمال ەدى جانە مىسىر پاتشايىمى وعان يە بولعىسى كەلدى؛
• مىسىردان ەرىن دالابى ەجەلگى گرەتسياعا، سودان كەيىن ريمگە كەلدى. دەگەنمەن، بۇل ەلدەردە ەرىن بوياۋىن جاقتاۋشىلار دا، قارسىلار دا بولدى. نەگىزگى قارسىلاستاردىڭ ءبىرى اتاقتى كلاۆدي گالەن ەدى. گالەن كوسمەتيكاعا مۇلدەم قارسى ەمەس ەدى. ول تەك ايەلدەردى قاۋىپتى كوسمەتيكانى قولدانۋدان ساقتاندىرۋعا تىرىستى. بۇل سول كەزدەرى ەرىن دالابىنا ۋلى پيگمەنتتەر (قىزىل قورعاسىن، كينوۆار) قوسىلعانىنا بايلانىستى بولدى. دەگەنمەن، ايەلدەر ەرىن دالابىن قولدانۋدى جالعاستىردى؛
• حريستيان شىركەۋى دە سىرتقى تۇردەگى كەز كەلگەن جاساندى وزگەرىستەرگە قارسى ەدى. XIV عاسىردا كاتوليك شىركەۋى كوسمەتيكاعا تىيىم سالدى. وسى كەزەڭدە قاسيەتتى ينكۆيزيتسيا ەرنى بويالعان ايەلدەردى قاسكۇنەمدىك ءۇشىن قاماۋعا الۋعا قۇقىلى ەدى؛
• 1883-جىلى امستەردامدا وتكەن دۇنيەجۇزىلىك كورمەدە فرانسۋز پارفيۋمەرلەرى جىبەك قاعازعا ورالعان قارىنداش ءتارىزدى ەرىن دالابى ۇسىندى.
• دالاپتىڭ تانىمالدىلىعى اتاقتى اكتريسا سارا بەرنحاردقا ىقپال ەتتى. ول بۇل « ⅩⅨ عاسىردىڭ ۇلى جاڭالىعىن» شىن مانىندە يكوناعا اينالدىرىپ، وعان «stylo d’Amore» («ماحاببات تاياقشاسى») ات بەردى؛
• تۇتىكتەگى ەرىن دالابى اۆتورلىعى Guerlain فيرماسىنا تيەسىلى. العاشقى دالاپتىڭ مەتالل قاپتامادا پايدا بولۋى (ا ق ش، 1915 ج.) ونىڭ تانامالدىعىنىڭ پايدا بولۋىنا اكەلدى، ويتكەنى ول دالاپتى قولدانۋ ىڭعايلى ەدى؛
• العاشقى ەرىن دالابى قىزعىلت بالاۋىز نەگىزىندە جاسالعان Ne m'oubliez pas (فرانسۋز تىلىندە - «ۇمىتىلماس»). ول پورشەندى مەحانيزمى بار قوراپتا ساتىلدى، بۇل وتە ىڭعايلى بولدى، ويتكەنى بۇل مەحانيزم ەرىن دالابىن سوڭىنا دەيىن تولىعىمەن پايدالانۋعا مۇمكىندىك بەردى؛
• 1920-جىلى ەلەنا رۋبينشتەين Valaz Lip-Listre دەپ اتالاتىن ەرىن دالابىنىڭ ءبىرىنشى تۇتىگىن شىعاردى. رۋبينشتەيننىڭ ەرىن دالابى دەرلىك ريەۆوليۋتسيالىق قۇبىلىسقا اينالدى. ەگەر بۇرىن بۇل كوسمەتيكالىق ءونىمدى تەك تابىسى جوعارى ايەلدەر عانا الا الاتىن بولسا، وندا Valaz Lip-Listre قۇنى بىرنەشە دوللاردان اسپايتىن ەرەكشە دەموكراتيالىق ونىمگە اينالدى؛
• وتكەن عاسىردىڭ وتىزىنشى جىلدارى وسى اتتاس كوسمەتيكالىق برەندتىڭ نەگىزىن قالاۋشى حازەل بيشوپ تاعى ءبىر ريەۆوليۋتسيالىق جاڭالىقتى - سۋعا ءتوزىمدى ەرىن دالابىن جاسادى؛
• 1949 -جىلى امەريكا قۇراما شتاتتارىندا ەرىن دالابىن قازىرگى تۇرىندە - مەتال نەمەسە پلاستيك تۇتىكتە وندىرۋگە ارنالعان العاشقى ماشينالار ازىرلەندى.
massaget.kz