جاڭاوزەندە ءىرى كومپانيالار حالىقتى جۇمىسقا الىپ جاتىر

نۇر- سۇلتان. قازاقپارات - ەكى قولعا ءبىر كۇرەك تاپپاعان جاڭاوزەندىكتەردى وڭىردەگى ءىرى مەردىگەر كومپانيالار جۇمىسقا الىپ جاتىر.

ماسەلەن، سوڭعى 2 جىلدا 400-دەن استام تۇرعىن «وزەنمۇنايگاز» كاسىپورىنىنا قابىلداندى. ەندى جەرگىلىكتى حالىقتى «قازمۇنايگازدىڭ» ەنشىلەس مەكەمەلەرىنە ورنالاستىرۋ ماسەلەسى كوزدەلىپ وتىر.

بۇل تۋرالى «سامۇرىق- قازىنا» ۇلتتىق ءال- اۋقات قورىنىڭ باسقارما ءتوراعاسى مالىمدەدى. بۇدان بولەك قىزمەتكەرلەردىڭ جالاقىسىن ارتتىرۋ دا كەزەك كۇتتىرمەس ماسەلەنىڭ ءبىرى. ول ءۇشىن ۇلتتىق ءال- اۋقات قورى قاراماعىنداعى 90 مەردىگەر كومپانيامەن ءتيىستى كەلىسىم جاسادى. ناتيجەسىندە 19 مىڭ جۇمىسشىنىڭ ايلىعى 40 پروتسەنتكە دەيىن كوتەرىلدى. بۇل رەتتە ايلىعى شايلىعىنا جەتپەيتىن پوشتا قىزمەتكەرلەرىن ەرەكشە اتاپ وتكەن ءجون. ولاردىڭ ەڭبەكاقىسى اقپان ايىندا 7-دەن 25 پروتسەنتكە دەيىن ارتتى.