جارما اۋدانىنا جاڭا اكىم تاعايىندالدى

وسكەمەن. قازاقپارات - شىعىس قازاقستان وبلىسى جارما اۋدانىنىڭ اكىمى بولىپ نۇرىمبەت ساقتاعانوۆ تاعايىندالدى، دەپ حابارلايدى قازاقپارات ءتىلشىسى.

نۇرىمبەت امان ۇلى 1970 -جىلى 6 - تامىزدا وڭتۇستىك قازاقستان وبلىسىندا دۇنيەگە كەلگەن. قىزىلوردا پەداگوگيكالىق ينستيتۋتىن، قىزىلوردا اگرارلىق- تەحنيكالىق كوللەدجىن، مەسا ديستانتسيالىق ءبىلىم بەرۋ ينستيتۋتىن، مەسا قىزىلوردا ەكونوميكا، ستاتيستيكا جانە اقپارات ينستيتۋتىن مۇعالىم، بۋحگالتەر، زاڭگەر ماماندىقتارى بويىنشا ءتامامداعان.

ەڭبەك جولىن ينستيتۋت بىتىرگەننەن كەيىن 1992 -جىلى قىزىلورداداعى №172 ورتا مەكتەپتە مۇعالىم بولىپ باستادى. 1993-1994 -جىلدارى ق ر ق ك قاتارىندا بولىپ، اسكەردەن كەيىن قىزىلورداداعى №9 ورتا مەكتەپتە جۇمىسىن جالعاستىردى. 1995-2001 -جىلدارى قىزىلوردا وبلىسى بويىنشا كەدەن باسقارماسىنىڭ ينسپەكتورى، اعا ينسپەكتورى، باس ينسپەكتورى، ءبولىم باستىعى، ءبولىم باستىعىنىڭ ورىنباسارى بولىپ جۇمىس ىستەدى.

2001-2006 -جىلدارى كەدەن كوميتەتىندە باس ينسپەكتور، ءتوراعانىڭ كومەكشىسى، ءبولىم باستىعى بولدى. 2006-2007 -جىلدارى ق ر پارلامەنتىندەگى ۇكىمەت وكىلدىگىنىڭ باس ينسپەكتورى، ەكونوميكا جانە بيۋدجەتتىك جوسپارلاۋ مينيسترلىگىندە ءبولىم باستىعى، ءمينيستردىڭ كەڭەسشىسى قىزمەتتەرىن اتقاردى.

2007-2010 -جىلدارى ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى- قون كوميتەتى ءتوراعاسىنىڭ ورىنباسارى بولدى. 2010-2012 -جىلدارى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق- ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى، ال 2012-2015 -جىلدارى شىعىس قازاقستان وبلىسى اكىمىنىڭ ورىنباسارى قىزمەتىن اتقاردى.

2015-2018 -جىلدارى ش ق و اكىمىنىڭ ءبىرىنشى ورىنباسارى بولدى. 2018-2021 -جىلدارى ۇلان اۋدانىنىڭ اكىمى لاۋازىمىن اتقارعان. 2021 -جىلدىڭ قاڭتار- ماۋسىم ايلارى ارالىعىندا سەمەي قالاسىنىڭ اكىمى بولىپ ەڭبەك ەتتى.

اۆتور: تالعاتجان مۇحامەتبەك ۇلى