پاراگۆايدا قايتىس بولعان بيزنەسمەننىڭ قازاقستانعا قاتىسى جوق: ق ر س ءى م تۇسىنىك بەردى

نۇر- سۇلتان. قازاقپارات - ەلىمىزدىڭ سىرتقى ىستەر مينيسترلىگى پاراگۆايدا قايتىس بولدى دەگەن كاسىپكەرگە قاتىستى تۇسىنىك بەردى، دەپ حابارلايدى قازاقپارات ءتىلشىسى.

«قۇرمەتتى دوستار، وسىمەن ەكىنشى كۇن ب ا ق- تا پاراگۆايدا قازاقستاندىق بيزنەسمەننىڭ مۇشەلەنىپ، ولتىرىلگەنى تۋرالى اقپارات تاراپ جاتىر. وسىعان وراي ولگەن ادامنىڭ قازاقستاننىڭ ازاماتى ەمەس ەكەنىن ايتقىمىز كەلەدى. ول كەڭەس وداعى كەزىندە، ياعني قاز ك س ر زامانىندا تۋىپ، 80 -جىلدارى ەلىمىزدەن كەتكەن بولۋى كەرەك. سوندىقتان ول كىسىنى قازاقستاندىق بيزنەسمەن دەپ ايتۋ دۇرىس ەمەس، ونىڭ ۇستىنە قازاقستاندىق ازامات تا ەمەس»، - دەپ حابارلادى ق ر س ءى م- ءنىڭ رەسمي وكىلى ايبەك سمادياروۆ.

ق ر س ءى م- ءنىڭ اقپاراتىنا سايكەس، مارقۇمنىڭ رەسەيلىك ءتولقۇجاتى بولعان.

«مارقۇم بولعان ادامدى قازاقستان ازاماتى دەگەن اقپاراتتى رەسەيلىك ب ا ق وكىلدەرى تاراتقان. دەگەنمەن ونىڭ انىق- قانىعىنا ەشكىم جەتپەگەن. سوندىقتان اقپاراتتىڭ قاتە ەكەنىن ەسكەرتكىمىز كەلەدى»، - دەيدى مينيسترلىكتەن.

اۆتور: ءالي يبرايەۆ