نۇر- سۇلتاندا ۇلەسكەرلەردىڭ قاراجاتىن قابىلداۋعا رۇقسات العان كومپانيالاردىڭ ءتىزىمى جاڭارتىلدى

نۇر- سۇلتان. قازاقپارات - ەلوردا اكىمدىگى ۇلەسكەرلەردىڭ قاراجاتىن قابىلداۋعا رۇقساتى بار كومپانيالاردىڭ جاڭارتىلعان ءتىزىمىن ەلوردانىڭ ساۋلەت، قالا قۇرىلىسى جانە جەر قاتىناستارى باسقارماسىنىڭ سايتىنان الۋعا بولادى، دەپ حابارلايدى قالا اكىمدىگىنىڭ رەسمي سايتى.

قۇرىلىس سالۋشىلاردىڭ جاڭا ءتىزىمى مىنا سىلتەمە بويىنشا بەيىندى باسقارمانىڭ سايتىندا كورسەتىلگەن:

https://www.gov.kz/memleket/entities/nur-sultan-saulet/documents/details/265998?lang=ru

جىل باسىنان بەرى نۇر- سۇلتان اكىمدىگى ۇلەسكەرلەردىڭ قاراجاتىن قابىلداۋعا 6 رۇقسات بەردى. ولاردىڭ اراسىندا ءبىر قۇرىلىس سالۋشى كومپانيا كوپپاتەرلى تۇرعىن ءۇيدىڭ قاڭقاسى تۇرعىزىلعاننان كەيىن عانا ۇلەسكەرلەردىڭ اقشاسىن قابىلداۋعا رۇقسات الدى. ال قالعان بەسەۋى - ەكىنشى دەڭگەيدەگى بانكتىڭ جوباعا قاتىسۋ ءتاسىلى ارقىلى.

ەستەرىڭىزگە سالا كەتەيىك، «تۇرعىن ءۇي قۇرىلىسىنا ۇلەستىك قاتىسۋ تۋرالى» ق ر زاڭىنا سايكەس ۇلەستىك قاتىسۋ مىناداي تاسىلدەردىڭ بىرىمەن ۇيىمداستىرىلادى: كەپىلدىك بەرۋ قورىنىڭ كەپىلدىگىن الۋ؛

- ەكىنشى دەڭگەيدەگى بانكتىڭ جوباعا قاتىسۋى؛

- تۇرعىن ءۇيدىڭ قاڭقاسى تۇرعىزىلعاننان كەيىن ۇلەسكەرلەردىڭ اقشاسىن قابىلداۋ.

ۇلەستىك قۇرىلىسقا الەۋەتتى قاتىسۋشىنىڭ (ساتىپ الۋشىنىڭ) ۇلەسكەرلەردىڭ قاراجاتىن قابىلداۋ ءۇشىن رۇقسات قۇجاتتارىنىڭ بار- جوعىن تەكسەرۋگە جانە نۇر- سۇلتان قالاسىنىڭ ساۋلەت، قالا قۇرىلىسى جانە جەر قاتىناستارى باسقارماسىنان كەڭەس الۋعا قۇقىعى بار.