قازاقستانعا سپورت سالاسى بويىنشا عىلىمي زەرتتەۋ ينستيتۋتى كەرەك - ەلسيار قاناعاتوۆ

نۇر- سۇلتان. قازاقپارات - ەلىمىزدە سپورت جانە سپورتتىق جەتىستىكتەر بويىنشا عىلىمي- زەرتتەۋ ينستيتۋتى قۇرىلۋى مۇمكىن.

بۇل تۋرالى ق ر ۇلتتىق وليمپيادا كوميتەتى سپورت ديرەكسياسىنىڭ ديرەكتورى ەلسيار قاناعاتوۆ ءمالىم ەتتى، دەپ حابارلايدى قازاقپارات ءتىلشىسى.

«شەتەلدىك تاجىريبەلى جاتتىقتىرۋشىلاردى تارتۋ سپورتتا بار جايت. ايتار بولساق، قىتاي 2008 -جىلى جازعى وليمپيادانى وتكىزگەن كەزدە كوپتەگەن شەتەلدىك جاتتىقتىرۋشىلاردى تارتتى. ارينە، ولاردىڭ قاسىندا وتاندىق جاتتىقتىرۋشىلار بولدى. اتالعان تاجىريبەنى ءبىز دە قولدانىپ جاتىرمىز. شورت- ترەكتەن كورەيا جانە قىتاي ەلىنەن جاتتىقتىرۋشىلار بولدى. جالپى سپورتتا ايتارلىقتاي ناتيجەگە قول جەتكىزگىمىز كەلسە، تومەننەن باستاۋىمىز كەرەك. ياعني بالالار مەن جاسوسپىرىم جانە بۇقارالىق سپورتقا ءجىتى كوڭىل بولگەن ءجون»، - دەدى ەلسيار قاناعاتوۆ بەيجىڭنەن تىكەلەي ەفيردە وتكەن باسپا ءسوز ءماسليحاتىندا.

ونىڭ ايتۋىنشا، بۇقارالىق سپورتتى دامىتا ءتۇسۋ كۇن تارتىبىندەگى ماسەلە.

«ارينە، سپورتتا عىلىمنىڭ دا ءوز ورنى بار. مەن اتالعان ماسەلەنى بۇعان دەيىن دە كوتەرىپ كەلەمىن. بىزدە عىلىمي زەرتتەۋ ينستيتۋتى جوق. عىلىمي تۇرعىدان زەرتتەۋ ول كاسىبي جانە بۇقارالىق سپورت ءۇشىن دە كەرەك. بۇگىندە سپورت بويىنشا عىلىمي زەرتتەۋ ينستيتۋتىن قۇرۋ ماسەلەسى كۇن تارتىبىندە تۇر. ينستيتۋت قۇرىلىپ، قىسقى سپورت ءتۇرى ودان ءارى دامي تۇسەدى دەگەن ۇمىتتەمىن»، - دەيدى ول.

اۆتور: ءالي يبرايەۆ