14:26, 15 - اقپان 2022 | GMT +5
شىمكەنتتە ناماز كەزىندە جاسالعان ۇرلىق كامەراعا ءتۇسىپ قالعان
نۇر-سۇلتان. قازاقپارات - شىمكەنتتە ەر ادام جۇما نامازى كەزىندە مەشىتتە ۇرلىق جاساعان.
ونىڭ بۇل ارەكەتى بەينەباقىلاۋ كامەراسىنا ءتۇسىپ قالعان، - دەپ حابارلايدى قالالىق پوليتسيا دەپارتامەنتى.
ەڭبەكشى اۋدانىنىڭ پوليتسياسىنا جەرگىلىكتى تۇرعىن حابارلاسىپ، جۇما نامازى كەزىندە مەشىتتەن ەلەكتر توگىنا قوسىلعان سمارتفونى ۇرلانىپ كەتكەنىن ايتقان.
پوليتسەيلەر بەينەباقىلاۋ كامەرالارىن تەكسەرىپ، كۇدىكتىنى تاپتى. كادرلاردان ەر ادام قاتارعا تۇرىپ، باسقالارمەن بىرگە ناماز وقي باستاعانى كورىنەدى. ارى قاراي ناماز كەزىندە ۇرلىق جاساپ، مەشىتتەن كەتىپ قالعان.
پوليتسيا قىزمەتكەرلەرى ونىڭ جەكە باسىن انىقتادى. ول 30 جاستاعى شىمكەنت تۇرعىنى بولىپ شىقتى. بۇل دەرەككە قاتىستى «ۇرلىق» بابى بويىنشا قىلمىستىق ءىس قوزعالدى. ەر ادام ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ امالدارى جۇرگىزىلىپ جاتىر.
