الماتى تۇرعىنى تۋننەلدە وق-دارىلەر سالىنعان پاكەت تاۋىپ الدى

الماتى. قازاقپارات - الماتىدا وق-ءدارى مەن «مولوتوۆ كوكتەيلى» جاسىرىلعان ورىن تابىلدى، دەپ حابارلايدى قازاقپارات ءتىلشىسى.

وق-دارىلەردى «دارحان» ىقشاماۋدانىنىڭ تۇرعىنى تاۋىپ، 102 پۋلتىنە بىردەن حابار بەرگەن. ايتۋىنشا، ول تۋننەلدەن وق-دارىلەر سالىنعان پاكەت تاۋىپ العان. جەدەل-تەرگەۋ توبى وقيعا ورنىن تەكسەرۋ ناتيجەسىندە گراناتالار، 5,45 م م كاليبرلى وق، 9 م م كاليبرلى وق، 2,3 م م كاليبرلى وق، گازتۇمىلدىرىق، رەۆولۆەر، سونىمەن قاتار، «مولوتوۆ كوكتەيلىن» تاپتى.

«اتالعان دەرەك سوتقا دەيىنگى تەرگەۋدىڭ ءبىرىڭعاي تىزىلىمىنە ق ر ق ك-نىڭ 287-بابى 2-ءبولىمى بويىنشا تىركەلدى. قارۋ مەن وق-دارىلەردىڭ كورسەتىلگەن جەردە پايدا بولۋ ءمان- جايلارى جەدەل ءىس-شارالار بارىسىندا انىقتالاتىن بولادى. ءتيىستى ساراپتامالار تاعايىندالدى. ابىروي بولعاندا، ومىرگە قاۋىپ توندىرەتىن زاتتار سالىنعان پاكەتتى بالالار تاۋىپ العان جوق»، - دەدى الاتاۋ اۋداندىق پوليتسيا باسقارماسىنىڭ باستىعى ءىلياس ومىرسەرىكوۆ.

ەسكە سالساق، الماتىدا سونداي-اق ساۋدا بۋتيگىندە وق-دارىلەر سالىنعان ريۋكزاك تابىلعان بولاتىن.

اۆتور: دۋمان ارعىنگەلدى