قولايسىز اۋا رايىندا الماتى اۋەجايى قالاي جۇمىس ىستەپ تۇرعانى ايتىلدى

الماتى. قازاقپارات - اۋا رايىنىڭ قولايسىزدىعىنا قاراماستان الماتى اۋەجايى شتاتتىق رەجيمدە جۇمىس ىستەپ تۇر.

بۇل تۋرالى اۋەجايدىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

«الماتى حالىقارالىق اۋەجايى شتاتتىق رەجيمدە جۇمىس ىستەپ جاتىر. مەتەوجاعدايعا بايلانىستى كەيبىر اۋەجايلاردا ۇشاقتار كەشىگىن جاتىر. الماتىداعى اۋا رايى جاعدايىنا (قارلى جاۋىن) جانە ەكيپاج مۇشەلەرىنە بايلانىستى Lufthansa اۋە كومپانياسىنىڭ ءبىر عانا رەيسى (الماتى- نۇرسۇلتان- فرانكفۋرت) كەشىكتى»، - دەپ حابارلادى الماتى حالىقارالىق اۋەجايىنىڭ باسپا ءسوز قىزمەتى.

قازىر ونلاين كەستەگە سايكەس نۇر-سۇلتان، شىمكەنت، بىشكەك، دۋباي، كوكشەتاۋ، اتىراۋدان الماتىعا ۇشاتىن ۇشاقتار كەشىگىپ جاتىر.

ەسكە سالايىق، الماتىعا قالىڭ قار ءتۇستى. قازىرگى ساتتە قالا اۋماعىندا قاردىڭ قالىڭدىعى 15-18 س م، ال تاۋ بوكتەرىندە 30 س م جەتتى.

قازگيدرومەتتىڭ بولجامىنشا، قار بۇگىن تۇسكە دەيىن جاۋىپ، تۇستەن كەيىن توقتايدى. اۋا تەمپەراتۋراسى 15-اقپاندا كۇندىز 0-3 گرادۋس اياز بولادى.