10:20, 15 - اقپان 2022 | GMT +5
ەلوردادا قولايسىز اۋا رايىنان اۋە رەيستەرى كەشىگىپ جاتىر
نۇر- سۇلتان. قازاقپارات - نۇر- سۇلتان قالاسىندا قولايسىز اۋا رايىنان اۋە رەيستەرى كەشىگىپ جاتىر. بۇل تۋرالى اۋەجايدىڭ باسپا ءسوز حاتشىسى ءانۋار شالەكەنوۆ ءمالىم ەتتى، دەپ حابارلايدى قازاقپارات ءتىلشىسى.
«ەلوردادا اۋا رايىنىڭ قولايسىزدىعىنا بايلانىستى نۇرسۇلتان نازاربايەۆ اۋەجايىنان 10 ۇشىپ شىعاتىن جانە 7 ۇشىپ كەلەتىن اۋە رەيسى كەشىكتىرىلدى. جولاۋشىلاردان اۋە رەيسى تۋرالى اقپاراتتى كولل- ورتالىققا حابارلاسىپ نەمەسە اۋەجايدىڭ انىقتاما بولىمىنەن ءبىلۋىن سۇرايمىز»، - دەدى ءانۋار شالەكەنوۆ.
ەسكە سالا كەتەيىك، «قازگيدرومەت» ماماندارى 15-اقپان، سەيسەنبىگە ارنالعان اۋا رايى بولجامىنا سايكەس، اتموسفەرالىق اعىندارعا بايلانىستى قازاقستاننىڭ باسىم بولىگىندە كۇن قۇبىلمالى بولادى. ەلىمىزدىڭ سولتۇستىگى مەن شىعىسىندا قالىڭ قار جاۋادى.
