الماتىدا قالىڭ قار جاۋادى: قۇتقارۋشىلار ەسكەرتۋ جاسادى

الماتى. قازاقپارات - الماتىدا 15-اقپاندا قالىڭ قار جاۋادى. بۇل تۋرالى قازگيدرومەتتىڭ داۋىلدى ەسكەرتۋىنە سۇيەنە وتىرىپ قالالىق توتەنشە جاعدايلار دەپارتامەنتى مالىمدەدى، دەپ حابارلايدى قازاقپارات ءتىلشىسى.

15-16-اقپاندا قالادا تۇمان تۇسەدى. جولدارعا قار جاۋىپ، كوكتايعاق بولادى. الماتى اۋماعىنا ىرگەلەس تاۋلاردا دا قار جاۋادى دەپ كۇتىلىپ وتىر. وسىعان بايلانىستى قالالىق توتەنشە جاعداي دەپارتامەنتى الماتىلىقتاردى قاۋىپسىزدىك ەرەجەلەرىن ساقتاۋعا شاقىردى.

«ەلەكتر جەلىلەرىنەن، اعاشتاردان جانە جەتكىلىكتى كۇشەيتىلمەگەن قۇرىلىستاردان الشاق ءجۇرۋدى سۇرايمىز. قار جاۋعاندا جولدان ءوتۋ كەزىندە ەرەكشە ساق بولۋدى ەسكەرتەمىز. اينالاڭىزعا قاراپ ءجۇرىڭىز، كۇتپەگەن كىلت قوزعالىس جاساماڭىز جانە كولىك جۇرگىزۋشىلەرىنە جولدا قاۋىپ تۋدىرماڭىز»، - دەپ ەسكەرتتى الماتى قالالىق توتەنشە جاعدايلار دەپارتامەنتىندە.