الماتىدا اۆتوبۋستاردىڭ اپاتقا ۇشىراۋى جيىلەپ كەتتى
الماتى قالالىق پوليتسيا دەپارتامەنتىنىڭ رەسمي اقپاراتىنا سايكەس، 2021-جىلى مەگاپوليستە 363 كولىك اپاتى بولدى. سونىڭ سالدارىنان 10 ادام قازا تاۋىپ، تاعى 519 ادام ءتۇرلى دارەجەدەگى دەنە جاراقاتىن الدى. سونداي-اق، قوعامدىق كولىك جۇرگىزۋشىلەرىنىڭ كىناسىنەن 264 جول- كولىك وقيعاسى ورىن الىپ، سونىڭ سالدارىنان 9 ادام قازا تاۋىپ، تاعى 344 ادام جاراقات العان.
«قوعامدىق كولىك جۇرگىزۋشىلەرى جولاۋشىلار تاسىمالدايتىنىن جانە كولىك جۇرگىزۋ كەزىندە ادامداردىڭ قاۋىپسىزدىگىنە ۇلكەن جاۋاپكەرشىلىكپەن قارايتىنىن ەستە ۇستاعان ءجون. سوندىقتان جۇمىسقا قابىلداۋ كەزىندە اۆتوبۋس جۇرگىزۋشىلەرى مەن كولىك قۇرالدارىنىڭ قۇجاتتارى مۇقيات تەكسەرىلۋى كەرەك»، - دەپ اتاپ ءوتتى قالالىق پوليتسيا دەپارتامەنتىنەن.
ايتا كەتەيىك، D ساناتىنداعى جۇرگىزۋشى كۋالىگى 25 جاسقا تولعان جانە كەمىندە 5 جىل، ونىڭ ىشىندە D1 ساناتى بويىنشا كولىك جۇرگىزۋ ءوتىلى 3 جىلدان كەم ەمەس ادامدارعا بەرىلەدى.
الماتى قالالىق ءى ءى د كولىك جۇرگىزۋشىلەرىنە جول ەرەجەسىن ساقتاپ، جىلدامدىقتى شەكتەن تىس اسىرماۋدى ەسكە سالدى.
