ەگەر شايدان باس تارتساڭىز

نۇر-سۇلتان. قازاقپارات - ادامدار شايدى مىڭداعان جىلدار بويى ءىشىپ كەلەدى. ونى، اسىرەسە، ەمدىك ماقساتتا دايىندايدى.

دۇرىس دايىندالعان تابيعي شاي ءشولدى جاقسى قاندىرادى، سەرگىتەدى، حولەستەرين دەڭگەيىن تومەندەتەدى، جۇرەك-قان تامىرلار جۇيەسى جۇمىسىن قالىپقا كەلتىرەدى، قارتايۋدى باياۋلاتادى جانە كوگنيتيۆتى قابىلەتتەرگە جاعىمدى اسەر ەتەدى.

الايدا، بۇل سۋسىننىڭ ارتىقشىلىقتارىنىڭ كوپ بولۋى ونىڭ كەمشىلىكتەرىن جوققا شىعارمايدى. ەگەر شايدان باس تارتساڭىز، ول اعزاعا قانداي پايدا اكەلۋى مۇمكىن ەكەنىن قاراستىرايىق.

ءبىز شايدا قانشالىقتى كوفەين كوپ ەكەنىن ۇمىتىپ كەتەمىز. ونى كەشكە (16:00 دەن كەيىن) ءىشۋ ادەتى ۇيقى پروبلەماسىنىڭ سەبەبىنە اينالۋى مۇمكىن. شاي ۇيقىسىزدىقتى شاقىرماسا دا، ونى ۋاقىتىلى ءىشۋ ۇيقى ساپاسىنا، ونىڭ تەرەڭدىگىنە جانە تىنىشتىعىنا اسەر ەتەدى. ەگەر شايدان باس تارتساڭىز، جاقسىراق ۇيىقتاي باستاعانىڭىزدى بايقايسىز. ارينە، بۇل جاعدايدا شايدىڭ ورنىنا كوفەنى كوپ ءىشىپ كەتپەۋ كەرەك.

سونداي-اق، شايدان باس تارتۋ تىستەر دەنساۋلىعىنا، سونىڭ ىشىندە ءتىس ەمالىنىڭ جاعدايىنا جاعىمدى اسەر ەتەدى. قويۋ ەتىپ قايناتىلعان شايدى ءجيى ءىشۋ فليۋوروزدىڭ — اعزادا فتوردىڭ جينالۋىنان تۋىندايتىن ءتىس اۋرۋىنىڭ دامۋىنا اكەلۋى مۇمكىن. ونىڭ الدىن الۋ ءۇشىن شايدى از ءىشىپ، ونى قايناتۋ ۋاقىتىن (3-5 مينۋتتان كوپ ەمەس) ازايتۋ جەتكىلىكتى.

ەگەر تەمىرتاپشىلىقتى انەميانىڭ دامۋىن بولدىرعىڭىز كەلمەسە، تاماقپەن شاي ءىشۋ ادەتىنەن ارىلۋ قاجەت. 2011-جىلى كاليفورنيا ۋنيۆەرسيتەتىندە جۇرگىزىلگەن زەرتتەۋ بويىنشا، شاي تاماقپەن بىرگە كەلگەن تەمىردى «بايلاپ تاستايدى»، ونىڭ اعزاعا ءسىڭۋىن ايتارلىقتاي ناشارلاتادى. ەگەر شايدى ءجيى تاماقپەن بىرگە ىشسەڭىز، تەمىر جەتىسپەۋشىلىگىنىڭ دامۋ قاۋپى ارتادى. ول جاعىمسىز سالدارلارعا اكەلەدى: تەرى مەن شاش جاعدايىنىڭ ناشارلاۋى، شارشاۋ، كوگنيتيۆتى قابىلەتتەردىڭ تومەندەۋى.

جالپى، ەگەر شايدان تولىقتاي باس تارتقىڭىز كەلمەسە، ونى ىستەۋدىڭ قاجەتى جوق. باستىسى، ونى شامادان كوپ ىشپەۋگە تىرىسىڭىز، ونى ۇزاق قايناتپاڭىز جانە شايدى تاماقپەن بىرگە ىشپەگەن ءجون.

massaget.kz